ورلڈکپ : انگلینڈ نے بنگلا دیش کو 137 رنز سے شکست دیدی

(افضل بلال) آئی سی سی ورلڈ کپ کے ساتویں میچ میں انگلینڈ نے بنگلہ دیش کو 137 رنز سے شکست دیکر پہلی کامیابی حاصل کرلی۔

دھرم شالہ میں کھیلے گئے میچ میں انگلینڈ کے 365 رنز کے تعاقب میں بنگلہ دیشی ٹیم 48.2 اوورز میں 227 رنز بناکر آؤٹ ہوگئی۔ ہدف کے تعاقب میں بنگلادیش کا آغاز اچھا نہ رہا، اوپنر تنزید حسن 1، کپتان شکیب الحسن 1، مہدی حسن میراز 8 جبکہ نجم الحسن شانتو صفر پر پویلین لوٹ گئے۔

پانچویں وکٹ پر لٹن داس اور مشفق الرحیم نے 72 رنز کی پارٹنرشپ قائم کی تاہم لٹن 76 رنز بناکر آؤٹ ہوگئے جبکہ مشفق 51 رنز بناسکے۔ توحید ہردوئے 39، مہدی حسن 14، تسکین احمد 15، شروف الاسلام 12 اور مستفیض الرحمان 3 رنز بناکر آؤٹ ہوئے۔

انگلینڈ کی طرف سے ریس ٹوپلی نے 4 اور کرس ووکس نے 2 وکٹیں حاصل کیں۔ سیم کرن، مارک ووڈ، عادل رشید، لیام لونگ اسٹون نے ایک، ایک وکٹ لینے میں کامیاب ہوئے۔

قبل ازیں انگلینڈ نے بنگلادیشی بولرز کیخلاف  مقررہ 50 اوورز میں 9 وکٹوں کے نقصان پر 365 رنز کا پہاڑ جیسا ہدف دیا تھا۔

انگلش اوپنرز نے میچ کی ابتدا سے جارحانہ کھیل کا مظاہرہ کرتے ہوئے ٹیم کو 115 رنز کا آغاز فراہم کیا تاہم جونی بیرسٹو 52 رنز بناکر وکٹ گنوا بیٹھے۔

دوسری وکٹ کی شراکت میں ڈیوڈ ملان اور جو روٹ نے 151 رنز کی پارٹنرشپ قائم کی تاہم ملان 140 کی اننگز کھیل کر آؤٹ ہوئے، انکی اننگز میں 16 چوکے اور 5 چھکے شامل تھے۔

England step up in Dharamsala to garner their first #CWC23 win ⚡#ENGvBAN ????: https://t.co/5YbMGSEr8G pic.twitter.com/oL2N4fiViz

— ICC Cricket World Cup (@cricketworldcup) October 10, 2023

کپتان جوز بٹلر اور ہیری بروک 20، 20، جو روٹ 82، سیم کرن 11، کرس ووکس 14، عادل راشد 11 اور لیام لیونگسٹون صفر پر پویلین لوٹے۔

بنگلادیش کی جانب سے مہدی حسن نے 4، شوریف اسلام نے 3 جبکہ شکیب الحسن اور تسکین احمد نے ایک ایک وکٹ حاصل کی۔

قبل ازیں بنگلادیش کے کپتان شکیب الحسن نے بیٹنگ ٹریک پر ٹاس جیت کر پہلے فیلڈنگ کرنے کا فیصلہ کیا تھا، انہوں نے کہا کہ آؤٹ پر کھلاڑیوں کو مشکلات ہوسکتی ہیں، کوشش کریں گے جیت کے تسلسل کو برقرار رکھیں۔

اس موقع پر انگلش ٹیم کے کپتان جوز بٹلر نے کہا کہ بنگلادیش کے خلاف کامیابی سمیٹ کر ورلڈکپ میں کم بیک کرنا چاہتے ہیں۔