ریسٹورنٹ میں بدتمیزی کا واقعہ،احسن اقبال نے مزید تصاویر شیئر کردیں

 ( ویب ڈیسک)وفاقی وزیر برائے منصوبہ  بندی و  مسلم لیگ ن کے رہنما  احسن اقبال  کے ساتھ بدتمیزی اور نعرہ بازی کرنیوالی خواتین کے چہرے بھی سامنے آگئے، تصاویر شیئر کرتے ہوئے احسن اقبال نے لکھا کہ ’’یہ وہ چہرے ہیں جن کی تربیت عمران نیازی نے ہٹلر کی پلے بک سے کی ہے‘‘۔ 

احسن اقبال کاکہنا تھاکہ ’’عام زندگی میں لوگ انہیں پڑھا لکھا سمجھتے ہونگے لیکن تہذیب محض تعلیم سے نہیں آتی۔ والدین کی تربیت، صحبت اور زندگی میں انسان کسے فالو کرتا ہے یہ عناصر انسان کو خواہ وہ کتنا تعلیم یافتہ ہو اسے گنوار بھی بنا سکتے ہیں‘‘۔

 انہوں نے کہا کہ  چند افراد نے خواتین اور بچوں کو آگے کر کے ہلڑ بازی کی ، میرے ساتھ بھی کوئی جذباتی کارکن ہوتا تو صورتحال گھمبیر ہو جاتی ۔

یہ وہ چہرے ہیں جن کی تربیت عمران نیازی نے ہٹلر کی پلے بک سے کی ہے۔ عام زندگی میں لوگ انہیں پڑھا لکھا سمجھتے ہونگے لیکن تہذیب محض تعلیم سے نہیں آتی۔ والدین کی تربیت، صحبت اور زندگی میں انسان کسے فالو کرتا ہے یہ عناصر انسان کو خواہ وہ کتنا تعلیم یافتہ ہو اسے گنوار بھی بنا سکتے ہیں۔ pic.twitter.com/cBopOhcYm3

— Ahsan Iqbal (@betterpakistan) July 8, 2022

چند سال قبل پروپیگنڈے سے متاثر ایک نوجوان نے میری جان لینے کی کوشش کی ،انتہا پسندی کے خاتمے کیلئے تدبیریں سوچتا ہوں،جب نفرت کا بیج بویا جائے تو اسے نکلنے میں کئی سال لگتے ہیں، ہمیں معاشی مسائل کا سامنا ہے جنہیں ایک دو سال میں حل کیا جا سکتا ہے، معاشرے میں نفرت کے بیج بو دیئے جائیں تو وہ نکالے نہیں جا سکتے، خواتین موجود ہونے کے باعث قانونی کارروائی کرنے سے گریز کیا ہے، اگر ہم نے ایسے رویوں کی حوصلہ شکنی نہ کی تو خانہ جنگی ہو سکتی ہے۔

 خیال رہے کہ فاقی وزیر منصوبہ بندی احسن اقبال نےریسٹورنٹ میں بدتمیزی کرنے والی فیملی کے خلاف کارروائی سے انکار کردیا ہے،ان کا کہنا ہے کہ ایسے واقعات کی حوصلہ شکنی ہونی چاہیے، اگر میرے ساتھ سیکیورٹی گارڈ ہوتا یا کوئی جذباتی حمایتی ہوتا تو صورتحال گھمبیر ہوسکتی تھی، کل سے اندرون و بیرون ملک سے واقعے کی مذمت کی جا رہی ہے،حسن اقبال نے کہا کہ قانون اجازت دیتا ہے کہ ہلڑ بازی کرنے والوں کے خلاف قانونی کارروائی کروں لیکن اس واقعے میں خواتین اور بچے شامل تھے، اس لیے میں نے فیصلہ کیا کہ ان کےخلاف قانونی کارروائی نہیں کروں گا۔

یہ بھی پڑھیں: واٹس ایپ صارفین کیلئے بڑی خوشخبری