فوادخان کےمداحوں کے لیےبھارتی انتہاپسندرہنماکا اہم پیغام 

(ویب ڈیسک )دی لیجنڈ آف مولا جٹ کو بھارت کے علاوہ خطے دیگر متعدد ممالک میں ریلیز کیا گیا تھا جہاں فلم کو خوب پزیرائی حاصل ہوئی۔ فلم کو بھارتی ریاست پنجاب میں بھی نمائش کے لیے پیش کیا جائے گا لیکن اس سے قبل ہی وہاں کے مہاراشٹر نونرمان سینا (ایم این ایس) کے ہندو انتہا پسند رہنما نے فلم کا بائیکاٹ کرنے کا اعلان کیا کردیا۔

 تفصیلات کے مطابق بھارتی انتہا پسند ہندو جماعت کے رہنما امیہ کھوپکر نے دھمکی دی ہے کہ وہ پاکستان کی بلاک بسٹر فلم دی لیجنڈ آف مولا جٹ کو بھارت میں ریلیز نہیں ہونے دیں گے۔انہوں نے اپنی ٹوئٹ میں لکھا کہ انہیں معلوم ہوا ہے کہ پاکستانی فلم کو بھارتی کمپنیاں بھارت میں ریلیز کرنا چاہتی ہیں لیکن ان کی جماعت ایسا نہیں ہونے دے گی۔

There are plans to release Pakistani actor Fawad Khan’s Pakistani film ‘ The Legend of Maula Jatt’ in India. It is most infuriating that an Indian company is leading this plan. Following Raj Saheb’s orders we will not let this film release anywhere in India.

— Ameya Khopkar (@MNSAmeyaKhopkar) December 9, 2022

امیہ کھوپکر نے فواد خان کے مداحوں کو ایک اور ٹوئٹ میں غدار قرار دیتے ہوئے کہا کہ جو لوگ پاکستانی اداکار کے مداح ہیں وہ فلم دیکھنے کے لیے پاکستان چلے جائیں۔

Fawad Khan’s fans, traitors may very well go to Pakistan and watch the film.

— Ameya Khopkar (@MNSAmeyaKhopkar) December 9, 2022

یاد رہےکہ دی لیجنڈ آف مولا جٹ کو پاکستان سمیت دنیا بھر میں 13 اکتوبر کو ریلیز کیا گیا تھا، صرف ایک ماہ کے دوران فلم نے دنیا بھر سے 200 کروڑ روپے کا بزنس کرکے ریکارڈ قائم کردیا تھا۔یہ پنجابی زبان کی بھی سب سے زیادہ بزنس کرنے والی فلم ثابت ہوئی۔