اسسٹنٹ کمشنر زیارت افضل  بیٹے سمیت اغوا، گاڑی نذر آتش

(رحمت اللہ موسی خیل)اسسٹنٹ کمشنر زیارت افضل  بیٹے سمیت اغوا ہو گئے جبکہ گاڑی نذر آتش کر دی گئی۔

لیویز ذرائع کے مطابق مسلح افراد نے اسسٹنٹ کمشنر زیارت افضل باقی کو سیاحتی مقام زیزری سے جوان بیٹے سمیت اغوا کرلیا، واقعے کے دوران مسلح افراد نے اے سی کے ڈرائیور اور گن مینوں کو بحفاظت چھوڑ دیا تاہم سرکاری گاڑی کو نذر آتش کردیا۔

ذرائع کے مطابق واقعہ زیارت کے سیاحتی مقام پر پیش آیا جہاں اے سی افضل باقی اہلخانہ کے ہمراہ موجود تھے۔

واقعہ کی اطلاع ملتے ہی سیکیورٹی فورسز اور لیویز نے علاقے کو گھیرے میں لے کر سرچ آپریشن شروع کردیا ہے، حکام کا کہنا ہے کہ ملزمان کی شناخت اور گرفتاری کیلئے مختلف پہلوؤں سے تفتیش جاری ہے۔

یہ بھی پڑھیں:’علیمہ خان میرے ساتھ سکول میں تھیں،گالیاں دینا ان کا شیوہ نہیں‘نسیم زہرا نے شیر افضل کو جھوٹا ثابت کردیا