قومی انڈر 19 کرکٹ ٹیم کا دورہ بنگلہ دیش ملتوی
Stay tuned with 24 News HD Android App
(24 نیوز)کورونا وائرس کے پھیلائو کے سبب بنگلہ دیش میں لاک ڈائون کی مدت میں اضافہ کردیا گیا ہے، جس کے باعث قومی انڈر 19 کرکٹ ٹیم کا دورہ بنگلہ دیش ملتوی ہوگیا ہے۔
تفصیلات کے مطابق ابتدائی طور پر قومی انڈر 19 کرکٹ ٹیم کو ایک چار روزہ اور پچاس اوورز پر مشتمل پانچ میچز کھیلنے کیلئے11 اپریل کو ڈھاکہ روانہ ہونا تھا تاہم بنگلہ دیش میں لاک ڈائون لگنے کے باعث روانگی میں چھ روز کی تاخیر کی گئی۔
اس کے باوجود کورونا وائرس کے پھیلائو میں کمی نہ آنے کی وجہ سے بنگلہ دیش کی حکومت نے ملک بھر میں جاری لاک ڈائون کو مزید بڑھانے کا فیصلہ کیا ہے لہٰذا ٹور کوغیرمعینہ مدت تک کے لئے ملتوی کردیا گیا ہے۔
دونوں کرکٹ بورڈزاب کورونا وائرس کی صورتحال میں بہتری آنے پر باہمی مشاورت سے دورے کی نئی تاریخوں کا اعلان کریں گے۔ دورے کی تیاریوں کی غرض سے لاہور میں جاری قومی انڈر 19 کرکٹ ٹیم کا تربیتی کیمپ بھی فوری طور پر ختم کرنے کا فیصلہ کیا گیا ہے۔
یہ بھی پڑھیں :جہانگیر ترین کیخلاف مقدمات۔۔ہم خیال گروپ کا نیا مطالبہ سامنے آ گیا