فیصل آباد: کمسن بچی سے نکاح، دلہا گرفتار 

(24نیوز) فیصل آباد میں میں 10 سال کی بچی سے نکاح کرنے والے دلہا کو گرفتار کرلیا گیا۔ 

پولیس کے مطابق فیصل آباد کے علاقے ستیانہ میں کم عمر بچی سے شادی کرنے والے دلہا کے خلاف مقدمہ درج  کیا گیا تھا جس کے بعد پولیس نے کارروائی کرتے ہوئے دلہا کو گرفتار کرلیا۔

ایف آئی آر میں کہا گیا ہے کہ ملزم نے 2  ہفتے قبل 10 سال کی بچی سے شادی کی تھی، کم عمر بچی کے نکاح کے بعد رخصتی بھی کر دی گئی تھی۔

مزید پڑھیں:  پاکستان میں سرمایہ کاری کےمواقعوں سےفائدہ اٹھانےکیلئےتیارہے:سعودی عرب

پولیس کا کہنا ہے کہ دلہا کی گرفتاری کے بعد دلہن کی تلاش میں چھاپے مارے جا رہے ہیں جبکہ نکاح خواں، گواہان اور دلہن کے والد کی گرفتاری کیلئے بھی کارروائی کی جارہی ہے۔