سویڈن کی نیٹو میں شمولیت ،تنظیم کا 32 واں رکن ملک بن گیا
Stay tuned with 24 News HD Android App
(ویب ڈیسک)سویڈن نیٹو کا رکن ملک بن گیا جس کے بعد نیٹو کے رکن ممالک کی تعداد 32 ہو گئی ہے۔
اس حوالے سے سویڈن کے وزیر اعظم نے شمالی بحر اوقیانوس کے معاہدے کی اپنی دستاویز واشنگٹن ڈی سی میں ریاست ہائے متحدہ امریکا کی حکومت کے پاس جمع کروائی، جس کے بعد سویڈن نیٹو کا نیا ممبر ملک بن گیا۔
نیٹو کے سیکرٹری جنرل جینز اسٹولٹن برگ نے کہا کہ یہ ایک تاریخی دن ہے ، نیٹو کی پالیسیوں اور فیصلوں کی تشکیل میں مساوی موقف کے ساتھ سوئیڈن اب نیٹو کی میز پر صحیح جگہ لے گا۔
یہ بھی پڑھیں:ریستورانوں میں دھوکے سے مہنگا کھانا خرید کر بل ادا نہ کرنیوالی خاتون پولیس کیلئے درد سر بن گئی
واضح رہے کہ سویڈن کا جھنڈا 11 مارچ 2024 کو برسلز میں نیٹو کے ہیڈ کوارٹر میں ہونے والی تقریب میں دیگر 31 اتحادیوں کے ساتھ ساتھ بیک وقت پورے یورپ اور شمالی امریکہ میں نیٹو کمانڈز کی ہر عمارت پر لہرایا جائے گا۔