چترال کی ٹیم نےشندور پولو فیسٹیول اپنے نام کرلیا

(24 نیوز)  شندور میں ہونے والے پولو فیسٹیول میں چترال نے گلگت بلتسان کو 5 گول کے مقابلے 7 گول سے شکست دے کر جیت اپنے نام کرلی۔

تفصیلات کے مطابق کورکمانڈر پشاورلیفٹیننٹ جنرل  حسن اظہر حیات شندور  میں ہونے والے فائنل میچ کے مہمان خصوصی تھے۔کےپی ٹورازم اتھارٹی کےترجمان محمد سعد کا کہنا ہے کہ فیسٹیول میں ملکی و غیرملکی سیاحوں  نے کثیر تعداد میں شرکت کی۔

اختتامی میچ میں کیلاشی ڈانس سمیت مختلف بینڈزنے فن کا مظاہرہ کیا۔

اس کے علاوہ فیسٹیول میں پیراگلائیڈنگ کا بھی شاندار مظاہرہ کیا گیا۔ میچ کے اختتام پرمختلف سکولوں کے طلباء نے خصوصی ملی نغمے پیش کئے۔