تائیوان نےچین کےمشرقی پانیوں میں کوسٹ گارڈ گشت کو اشتعال انگیز اقدام قرار دیدیا

(ویب ڈیسک ) تائیوان نے الزام عائد کیا ہے کہ چین کی کوسٹ گارڈ کی جانب سے جزیرے کے مشرقی پانیوں میں بڑھتی ہوئی گشتیں ایک “اشتعال انگیز اقدام” ہیں، جو خطے میں کشیدگی کو مزید بڑھا رہی ہیں۔

تائیوان کے وزیر دفاع   نے پارلیمنٹ میں گفتگو کرتے ہوئے کہا کہ چین کی یہ کارروائیاں نہ صرف اشتعال انگیز ہیں بلکہ  نفسیاتی جنگ کا حصہ بھی ہیں، جن کا مقصد تائیوان کے سمندری علاقوں پر غیر قانونی دعویٰ مضبوط کرنا ہے۔

تائیوانی حکام کے مطابق چین، جو تائیوان کو اپنا حصہ قرار دیتا ہے، نے حالیہ دنوں میں مشرقی سمندری علاقوں میں کوسٹ گارڈ کی سرگرمیاں بڑھا دی ہیں، جبکہ تائیوانی کوسٹ گارڈ نے جوابی طور پر چینی جہازوں کو واپس دھکیل دیا ہے۔

چینی سرکاری میڈیا کے مطابق ان کارروائیوں کا مقصد جاپان اور فلپائن کے درمیان سمندری حدود کے تعین سے متعلق مذاکرات کے ردعمل میں  خصوصی قانون نافذ کرنے والی کارروائی” کرنا تھا۔

 یہ بھی پڑھیں:10 دن مسلسل بارشیں! ہائی الرٹ جاری

تائیوانی کوسٹ گارڈ کا کہنا ہے کہ چینی جہازوں کو متنازع علاقوں سے نکال دیا گیا ہے اور صورتحال اب قابو میں ہے۔

دوسری جانب چین کے حکام نے اس معاملے پر فوری طور پر کوئی تبصرہ نہیں کیا، تاہم بیجنگ کا مؤقف ہے کہ تائیوان اس کا حصہ ہے اور سمندری حدود پر اس کے دعوے کو تسلیم نہیں کیا جاتا۔

ماہرین کے مطابق حالیہ پیش رفت سے  میں کشیدگی مزید بڑھ سکتی ہے، جہاں پہلے ہی چینی جنگی جہاز اور طیارے معمول کی بنیاد پر سرگرم رہتے ہیں۔

تائیوانی حکام نے خبردار کیا ہے کہ چین کی بڑھتی ہوئی بحری سرگرمیاں خطے کے امن کے لیے خطرہ بن سکتی ہیں، جبکہ فوج اور کوسٹ گارڈ کو مسلسل ہم آہنگی کے ساتھ نگرانی کی ہدایت دی گئی ہے۔