سالگرہ کا کیک ۔۔خاتون کے بالوں میں آگ لگ گئی۔۔ ویڈیو وائرل

(مانیٹرنگ ڈیسک) امریکا میں سالگرہ کی تقریب کے دوران خاتون کے بالوں میں آگ لگنے کی ویڈیو سوشل میڈیا پر وائرل ہوگئی۔

اکثر دیکھا گیا ہے کہ سالگرہ کی تقریبات میں کچھ ایسا ہوجاتا ہے کہ جس پر یقین کرنا بھی مشکل ہو جاتا ہے،اکثر چھوٹی سی لاپرواہی ایک بڑی مصیبت کھڑی کر دیتی ہیں،اس کا اندازہ حال ہی میں سوشل میڈیا پر وائرل ہونے والی ایک ویڈیو سے ہوا۔ امریکی ریاست یوٹاہ کے شہر اوگڈن میں سالگرہ کی تقریب  میں افسوسناک واقعہ پیش آیا، جہاں کیک کاٹنے کے دوران خاتون کے بالوں میں آگ لگ گئی ،واقعے کی ویڈیو سوشل میڈیا پر وائرل ہوگئی.

 ویڈیو میں دیکھا جاسکتا ہے کہ34 سالہ اینا اوسٹر نامی خاتون جیسے ہی کیک کے قریب جاکر موم بتیاں بجھانے لگیں تو ان کے بالوں میں آگ لگ گئی اور ان کی بھنویں اور بال جھلس گئے، اچانک آگ لگنے سے تقریب میں موجود لوگوں نے چیخیں مارنا شروع کردیں۔

یہ بھی پڑھیں: سہیلی نے  حاملہ سہیلی کا پیٹ کاٹ کر بچہ نکال لیا۔لاش کیساتھ کیا کیا؟دل دہلا دینے والی خبر
  اینا نے اہلخانہ کا شکریہ ادا کیا جنہوں نے آگ بجھانے میں ان کی مدد کی، واقعے میں اینا کو شدید چوٹیں نہیں آئیں لیکن ان کے بال اور بھنویں متاثر ہوئی ہیں۔

 یہ بھی پڑھیں: پریکٹیکل کے بہانے نشہ آورمشروب پلا کر17طالبات  کیساتھ زیادتی کی کوشش