ڈی جی آئی ایس پی آر کی پریس کانفرنس قومی جذبات کی ترجمانی کرتی ہے،وزیر توانائی

(24نیوز)وزیر توانائی اویس لغاری نے کہا ہے کہ ڈی جی آئی ایس پی آر کی پریس کانفرنس قومی جذبات کی ترجمانی کرتی ہے، ریاستی اداروں کی واضح اور دوٹوک پوزیشن لائقِ تحسین ہے۔

اویس لغاری کاکہناتھا کہ قوم کو گمراہ کرنے کی کوششیں ناکام ہو رہی ہیں، حقیقت سامنے آ چکی ہے، اداروں کے خلاف بیانیہ تراشنا قومی مفاد کے منافی ہے، آزادیِ اظہار ملک کی سلامتی سے بالاتر نہیں ہو سکتی، ریاست مخالف مہم چلانے والوں کے خلاف کارروائی کے فیصلے کی مکمل حمایت کرتے ہیں۔

ان کاکہناتھا کہ ترجمان پاک فوج کے اہم سوالات پوری قوم کی آواز ہیں، مسلح افواج کے بارے میں منفی بیانیہ قوم کسی صورت قبول نہیں کرے گی، وفاق اور خیبر پختونخوا میں کارکردگی سے متعلق سوالات کے جواب قوم جاننا چاہتی ہے، دہشت گردی کے خلاف قربانیاں دینے والی افواج پر تنقید نامناسب ہے، قوم کی سلامتی کسی فرد یا شخصیت سے زیادہ اہم ہے۔

یہ بھی پڑھیں:معروف خاتون کرکٹر  کی شادی منسوخ،اہم پیغام بھی جاری کردیا

وزیر توانائی کاکہناتھا کہ 6 اور 7 مئی کی شب پاکستان کی عسکری برتری نے پوری قوم کا سر فخر سے بلند کیا، اس کامیابی پر چیف آف ڈیفنس فورسز فیلڈ مارشل سید عاصم منیر کی قیادت کو خراج تحسین پیش کرتا ہوں، بھارت کے خلاف تاریخی کامیابی نے پاکستان کے وقار میں اضافہ کیا، ان کاکہناتھا کہ فتنہ اور انتشار کے خلاف واضح پالیسی قابلِ تحسین ہے، فیلڈ مارشل عاصم منیر کی عسکری قیادت میں پاکستان مزید مضبوط ہو گا، ہم مستقبل کے روشن اور مستحکم پاکستان پر یقین رکھتے ہیں۔

یہ بھی پڑھیں:سرکاری ملازمین کی دورانِ سروس وفات پر فیملی کو کتنی پنشن ملے گی؟بڑافیصلہ