بھارت کا ورلڈ کپ کیلئے 15 رکنی اسکواڈ کا اعلان
Stay tuned with 24 News HD Android App
(ویب ڈیسک) آئی سی سی کرکٹ ورلڈکپ کیلئے بھارت نے اپنے 15 رکنی اسکواڈ کا اعلان کردیا۔ بھارتی کرکٹ بورڈ کی جانب سے سوشل میڈیا اکاؤنٹ پر ورلڈ کپ کے لیے ٹیم کا اعلان کیا گیا۔
بی سی سی آئی کے مطابق اگلے ماہ شیڈولڈ ورلڈ کپ میں بھارتی ٹیم کی قیادت روہت شرما کریں گے جبکہ دیگر کھلاڑیوں میں سابق کپتان ویرات کوہلی، شبمن گل، شریاس ائیر، ایشان کشن اور کے ایل راہول شامل ہیں۔
???????? ???????????? ???????????????? ????????????????????! ???????? ????#CWC23 | #TeamIndia pic.twitter.com/Forro8kCYL
— BCCI (@BCCI) September 5, 2023
نائب کپتان ہاردیک پانڈیا، سوریا کمار یادیو، رویندرا جڈیجا اور کلدیپ یادیو بھی 15 رکنی اسکواڈ کا حصہ ہیں۔ اس کے علاوہ ورلڈ کپ کے لئے بھارت ٹیم میں شاردل ٹھاکر، اکشر پٹیل، جسپریت بمراہ، محمد شامی اور محمد سراج بھی شامل ہیں۔
مزید پڑھیں: روپے کے مقابلے میں ڈالر کا ایک کے بعد ایک ریکارڈ
واضح رہے کہ رواں برس ہونے والا ون ڈے ورلڈکپ 5 اکتوبر سے بھارت میں شروع ہونے جارہا ہے، ایونٹ میں پاکستان اپنا پہلا میچ 6 اکتوبر کو نیدرلینڈز کے خلاف کھیلے گا۔
پاکستان اور بھارت کے درمیان مقابلہ 14 اکتوبر کو احمد آباد کے نریندر مودی اسٹیڈیم میں شیڈولڈ ہے۔