ٹویٹر صارفین کیلئے بری خبر ۔۔مفت سہولت ختم کرنے کا عندیہ

(ویب ڈیسک)ٹویٹر کے نئے مالک ایلون مسک نے ٹویٹر صارفین کو بری خبر سنا دی ۔ایلون مسک نے سرکاری اور کمرشل صارفین کے لیے فیس لگانے کا عندیہ دیدیا۔
تفصیلات کے مطابق ٹوئٹر خریدنے کے بعداپنے بیان میں ایلون مسک نے ٹویٹر پراعلان کیا کہ ٹوئٹر عام صارفین کے لیے ہمیشہ مفت ہوگا لیکن کمرشل اور سرکاری صارفین کو ہوسکتا ہے معمولی قیمت دینی پڑے ۔ انہوں نے کہا کہ کچھ نہ ہونے سے معمولی سرمایہ بہتر ہے۔

Ultimately, the downfall of the Freemasons was giving away their stonecutting services for nothing

— Elon Musk (@elonmusk) May 3, 2022

واضح رہے گزشتہ ہفتے رائٹرز نے ایک رپورٹ میں کہا تھا کہ ایلون مسک نے بینکوں سے کہا ہے کہ ٹوئٹس کو مونیٹائز کرنے کے لیے نئے پہلو تیار کریں گے اور سوشل میڈیا پلیٹ فارم کمپنی کی لاگت کم کرنے کے لیے ادائیگی ہوگی۔ایلون مسک نے بینکوں کو یہ بھی بتایا تھا کہ انہوں نے کاروباری سرمایہ بڑھانے کے لیے فیچرز کا منصوبہ بنایا ہے، جس میں ٹوئٹس سے پیسے بنانے کا نیا طریقہ بھی شامل ہے جو اہم معلومات پر مبنی ہو یا وائرل ہو جائے۔

Twitter will always be free for casual users, but maybe a slight cost for commercial/government users

— Elon Musk (@elonmusk) May 3, 2022

واضح رہے کہ دنیا کے امیر ترین آدمی ایلون مسک نے کچھ عرصہ قبل ٹویٹر خرید لیا تھا ۔ٹویٹر خریدتے ہی انہوں نے ٹویٹر پر کئی تبدیلیوں کا بھی عندیہ دیا تھا ۔
یہ بھی پڑھیں: گاڑیوں کی ٹیکس وصولی کے حوالے سے اہم خبر