دھاندلی شروع ہو گئی: شیخ رشید نے قوم سے اہم اپیل کر دی

(ویب ڈیسک) سابق وفاقی وزیر داخلہ شیخ رشید نے کہا ہے کہ قوم 19 جون سے پہلے اپنا ووٹ چیک کرلے، الیکشن دھاندلی شروع ہوگئی ہے۔

 سربراہ عوام مسلم لیگ و سابق وفاقی وزیر شیخ رشید نے سماجی رابطے کی ویب سائٹ پر ٹویٹ کرتے ہوئے کہا کہ وزیراعظم، وزیراعلی اور وزیر داخلہ فرد جرم اور گرفتاری کے نرغے میں ہیں، نیب ترامیم اپنے کیسوں کے خاتمے کے لیے ہے، 12 گھنٹے لوڈشیڈنگ، 60 روپے پٹرول، 45 فیصد گیس، 9 روپے بجلی، 250 روپے گھی کا اضافہ، یہ ان حکمرانوں کی پچاس دن کی کار کردگی ہے۔

 یہ بھی پڑھیں:دل ٹوٹنے کی بیماری‘ کیا ہے اور یہ کیسے ہوتی ہے ؟ ماہرین کا تہلکہ خیز انکشاف

دوسری جانب وزیر داخلہ رانا ثنا اللہ کا کہنا ہے کہ عمران خان کو اسلام آباد واپسی پرخوش آمدید کہتے ہیں اور قانون کے مطابق انھیں سکیورٹی فراہم کی جا رہی ہے۔

 ان کا کہنا ہے کہ عدالتی ضمانت ختم ہونے پر قانون کے مطابق فراہم کی گئی یہی سکیورٹی عمران خان کو بڑی خوش اسلوبی سے گرفتار کر لے گی۔

وزیراعظم، وزیراعلی، وزیر داخلہ فرد جرم اور گرفتاری کے نرغے میں ہوں۔نیب ترامیم اپنے کیسوں کے خاتمے کے لیے ہوں۔12 گھنٹے لوڈشیڈنگ،60 روپے پٹرول،45فیصد گیس،9روپے بجلی،250 روپے گھی کا اضافہ،انکی 50 دن کی کارکردگی ہے،قوم 19 جون سے پہلے اپنا ووٹ چیک کرلے،الیکشن دھاندلی شروع ہوگئی ہے

— Sheikh Rashid Ahmed (@ShkhRasheed) June 5, 2022

 وفاقی وزیر نے کہا کہ عمران خان ملک میں ہنگامہ آرائی، فتنہ وفساد، افراتفری پھیلانے اور وفاق پر مسلحہ حملوں کے جرائم کے تحت درج دو درجن سے زائد مقدمات میں بطور ملزم نامزد ہیں۔

 یاد رہے عمران خان نے 25 جون تک پشاور ہائی کورٹ سے راہداری ضمانت حاصل کر رکھی ہے۔