مرحوم عامر لیاقت کی سالگرہ کے موقع پر سابقہ اہلیہ نے یادگار ویڈیو جاری کر دی

(ویب ڈیسک )معروف ٹی وی اینکر عامر لیاقت حسین کی پہلی اور سابقہ اہلیہ سیدہ بشریٰ اقبال کی جانب سے سوشل  میڈیا پر بیٹی اور عامر لیاقت کی یادگار ویڈیو شیئر کی گئی ہے۔

تفصیلات کے مطابق سیدہ بشریٰ اقبال نے سماجی رابطے کی ویب سائٹ فیس بُک پر عامر لیاقت اور بیٹی دعا عامر کی ایک ویڈیو شیئر کرتے ہوئے اپنے سابق مرحوم شوہر کو سالگرہ کی مبارک باد بھی دی ہے۔

بشریٰ اقبال نے اس ویڈیو کے کیپشن میں لکھا ہے کہ ’اَن مٹ نقوش اور یادیں‘

Yaadein ???? #HBDAamirLiaquat pic.twitter.com/GMpDAQ1IJI

— Dr Bushra Iqbal???????? (@DrBushraIqbal) July 4, 2022

بشریٰ اقبال کی جانب سے شیئر کی گئی ویڈیو میں دیکھا جا سکتا ہے کہ عامر لیاقت ’جیو‘ پر نشر ہونے والے اپنے ایک شو میں اپنی بیٹی دعا عامر کی میزبانی کر رہے ہیں۔

واضح رہے کہ 9 جون 2022ء کو انتقال کر جانے والے معروف ٹی وی اینکر و سیاست دان عامر لیاقت کا آج یومِ پیدائش ہے، وہ 5 جولائی 1971 کو کراچی میں پیدا ہوئے تھے ۔