واشنگٹن پوسٹ سے 300 سے زائد صحافی برطرف

(ویب ڈیسک)امریکی میڈیا کی تاریخ میں پہلی بار ایک ساتھ بڑی تعداد میں صحافیوں کو نوکری سے نکالے جانے کا واقعہ پیش آیا ہے، امریکی اخبار ’واشنگٹن پوسٹ‘ نے اپنے 300 سے زائد صحافیوں اور عملے کے ارکان کو نوکری سے فارغ کر دیا ہے، جو کہ ایڈیٹوریل کا ایک تہائی سے زائد بنتے ہیں، اس اقدام کو نہ صرف اخبار بلکہ عالمی صحافت کے لیے بھی ایک تاریک دن قرار دیا جا رہا ہے۔

میڈیا رپورٹس کے مطابق فارغ کیے جانے والوں میں زیادہ تر بین الاقوامی بیوروز، مقامی رپورٹرز، کھیلوں کا ڈیپارٹمنٹ اور کاروباری رپورٹس سے وابستہ صحافی شامل ہیں۔

متعدد بین الاقوامی رپورٹرز اور ایڈیٹرز نے اس اقدام کو صدمے اور دکھ کے ساتھ سوشل میڈیا پر بیان کیا۔

واشنگٹن پوسٹ کے سینئر انٹرنیشنل افیئرز کالم نگار ایشان تھرور بھی فارغ کیے گئے، جنہوں نے سوشل میڈیا پر بتایا کہ وہ اس فیصلے سے دل شکستہ ہیں۔ انہوں نے اپنے ساتھی صحافیوں کے لیے افسوس کا اظہار بھی کیا۔

ایشان تھرور معروف بھارتی مصنف اور سیاست دان ششی تھرور کے بیٹے ہیں۔

I was just laid off by The Washington Post in the middle of a warzone. I have no words. I'm devastated. https://t.co/dVCLF39YV1

— lizzie johnson (@lizziejohnsonnn) February 4, 2026

 یوکرین کی رپورٹر لیزی جانسن نے کہا کہ انہیں جنگ زدہ علاقے میں کام کے دوران فارغ کیا گیا اور وہ اس واقعے سے دلبرداشتہ ہیں۔

 نیوز ڈیسک کے دیگر ارکان، بشمول نیو دہلی کے بیورو چیف پرانشو ورما نے بھی اپنے افسوس اور مایوسی کا اظہار کیا۔

Heartbroken to share I've been laid off from The Washington Post. Gutted for so many of my talented friends who are also gone. It was a privilege to work here the past four years. Serving as the paper's New Delhi bureau chief was an honor.

— Pranshu Verma (@pranshuverma_) February 4, 2026

 سابق ایگزیکٹو ایڈیٹر مارٹی بارون نے اس کٹوتی کو ”دنیا کے عظیم ترین نیوز اداروں میں سے ایک کی تاریخ کے سب سے تاریک دنوں میں سے ایک“ قرار دیتے ہوئے خبردار کیا کہ عوام اب مقامی اور بین الاقوامی سطح پر تفصیلی اور مستند خبریں حاصل کرنے سے محروم ہو جائیں گے۔

یہ بھی پڑھیں:راولپنڈی میں ڈور پھرنےسے 2 بھائی زخمی، مقدمہ درج

انہوں نے اخبار کے مالک جیف بیزوس پر تنقید کرتے ہوئے کہا کہ انہوں نے قارئین کے اعتماد کو کمزور کیا اور سینئر صحافیوں کو دور کیا، جس سے برانڈ کی خود ساختہ تباہی ہوئی۔

فارغ کیے جانے والے زیادہ تر صحافی بین الاقوامی رپورٹس کے شعبے سے تعلق رکھتے تھے، جو واشنگٹن پوسٹ کی عالمی شہرت یافتہ کوریج کا ستون رہے ہیں۔

اس اقدام نے عالمی صحافت میں زمین پر موجود رپورٹرز کے مستقبل پر سوالات اٹھا دیے ہیں، جبکہ برآمد ہونے والے صحافیوں نے دکھ اور تشویش کا اظہار کیا کہ قارئین اب وہ تفصیلی رپورٹنگ نہیں پڑھ پائیں گے جو اخبار کی پہچان تھی۔

ایشیان تھرور نے کہا کہ انہوں نے 2017 میں ورلڈ ویو کالم شروع کیا تھا تاکہ قارئین کو دنیا اور امریکا کے کردار کو بہتر طور پر سمجھنے میں مدد ملے۔

دیگر فارغ کیے گئے صحافیوں نے بھی اپنے تجربات اور ساتھیوں کے لیے شکرگزاری اور افسوس کا اظہار کیا۔