ٹی ٹوئنٹی ورلڈکپ :پاک بھارت میچ کی ٹکٹیں چند گھنٹوں میں فروخت

(ویب ڈیسک) ٹی ٹوئنٹی ورلڈکپ میں پاکستان اور بھارت کے درمیان میچ ہونے میں20 دن باقی ہیں تاہم روایتی حریف ٹیموں کے میچ کے تمام ٹکٹ چند گھنٹوں میں فروخت ہو گئے۔
رواں ماہ ٹی 20 ورلڈ کپ میں روایتی حریف پاکستان اور بھارت کے درمیان ہونے والے میچ کے ٹکٹ آن لائن فروخت کئے گئے، ویب سائٹ پر خریداری کیلئے ونڈو کھلتے ہی ہزاروں کی تعداد میں شائقین ٹکٹ کے حصول کیلئے کوشاں تھے۔
گزشتہ رات 1500 درہم کے پریمیئم اور2600 درہم کے پلاٹینم ٹکٹ ہی باقی رہ گئے تھے تاہم پیر کی صبح ہونے تک یہ بھی ختم ہوگئے، سوشل میڈیا پر شائقین کی بڑی تعداد بلیک میں ٹکٹ حاصل کرنے کیلئے کوشاں نظر آتی ہے۔
واضح رہے کہ ورلڈ کپ میں پاکستان اور بھارت کا میچ 24 اکتوبر کو کھیلا جائے گا۔

یہ بھی پڑھیں: امام الحق کانیشنل ٹی 20 کپ سے باہر ہونے کاامکان