پاکستان ویمنز ٹیم کی نیوزی لینڈ کیخلاف تاریخی کامیابی

(24 نیوز) پاکستان ویمنز کرکٹ ٹیم نے پہلے ٹی ٹوئنٹی میں نیوزی لینڈ ویمنز  کرکٹ ٹیم کو ان کے ہوم گراؤنڈ میں شکست دیکر تاریخی کامیابی اپنے نام کر لی۔

کیویز کے دیس کے شہر ڈونیڈن میں کھیلے گئے پہلے ٹی ٹوئنٹی میچ میں میزبان نیوزی لینڈ کو پاکستان ویمنز ٹیم نے 7 وکٹوں سے شکست دی جو کہ پاکستان ویمنز ٹیم کیویز ویمنز کے خلاف 9 ٹی ٹوئنٹی میچز میں پہلی کامیابی ہے۔

میزبان کیویز ویمنز نے ٹاس جیت کر پہلے بیٹنگ کا فیصلہ کیا اور مقررہ اوورز میں 6 وکٹوں کے نقصان پر128 رنزکا ہدف دیا، پاکستان ویمنز نے ہدف کو 18.2 اوورز میں 3 وکٹوں کے نقصان پرعبور کر لیا۔

یہ بھی پڑھیں: پاکستان کیخلاف پہلے ٹیسٹ کیلئے آسٹریلیا نے خطرناک کھلاڑیوں پر مشتمل سکواڈ کا اعلان کر دیا

نیوزی لینڈ کی جانب سے میڈی گرین نے 5 چوکوں کی مدد سے ناقابلِ شکست 43 رنز سکور کیے اور سوزی بیٹس نے 28 رنز کی عمدہ اننگز کھلی جبکہ پاکستان کی جانب سے فاسٹ بولر فاطمہ ثناء نے شاندار بولنگ کا مظاہرہ کرتے ہوئے محض 18 رنز دے کر 3 شکار کئے اور شاندار گیند بازی کے باعث پلیئر آف دی میچ قرار پائیں۔

Pakistan stun New Zealand in Dunedin!

They claim the first T20I in a strong all-round performance #NZvPAK scorecard: https://t.co/DOngeULxQO pic.twitter.com/Hji5tF1Yq1

— ICC (@ICC) December 3, 2023

ہدف کے تعاقب میں اوپنر بیٹرز شوال ذوالفقار اور منیبہ علی نے 40 رنز کا آغاز دیا، اوپنر شوال ذوالفقار نے 41 رنز کی ذمہ دارانا اننگز کھیل کر تاریخی جیت میں اہم کردار ادا کیا، منیبہ علی نے 23 اور ندا ڈار نے 23 رنز سکور کیے جبکہ عالیہ ریاض نے 2 چھکوں اور ایک چوکے کی مدد سے 12 گیندوں پر ناقابلِ شکست 25 رنز کی جارحانہ اننگز کھیل کر ٹیم کی تاریخی فتح کو ممکن بنایا، کیویز کی جانب سے سوفی ڈیوائن نے 2 وکٹیں حاصل کیں۔

Player of the match

In her first T20I since the return from injury, @imfatimasana bowls an outstanding spell of 3-18 #NZWvPAKW | #BackOurGirls pic.twitter.com/dbKBJDGXFi

— Pakistan Cricket (@TheRealPCB) December 3, 2023

واضح رہے کہ دونوں ٹیموں کے درمیان دوسرا ٹی ٹوئنٹی (05 دسمبر) منگل کے روز اسی گراؤنڈ میں کھیلا جائے گا۔