عمان میں مستقل رہائش کے خواہشمند غیر ملکیوں کیلئے بڑی خوشخبری آ گئی

(ویب ڈیسک )عمان حکومت کی جانب سے مستقل رہائش حاصل کرنے کے خواہشمند غیر ملکیوں کو  بڑی خوشخبری سنائی گئی ہے۔

تفصیلات کے مطابق سلطنت عمان کے ویژن 2040 کے تحت غیر ملکی سرمایہ کاروں کی رہائش کے لیے منصوبہ تشکیل دیا گیا ہے جس کو ایک بلین امریکی ڈالر کی لاگت سے تعمیر کیا جائے گا،  اس منصوبے کو تین مراحل میں پایہ تکمیل تک پہنچایا جائے گا جس کے پہلے مرحلے کا آغاز کر دیا گیا ہے۔

گزشتہ روز عمانی ولایت قریت میں غیر ملکی سرمایہ کاروں کو مستقل رہائش فراہم کرنے والے حی الساحل پروجیکٹ کے رہائشی یونٹس کی فروخت گرینڈ ملینیم ہوٹل میں ثقافتی ورثہ اور سیاحت کے وزیر ایچ ای سالم بن محمد المروقی کی سرپرستی میں شروع کی گئی ،پہلے مرحلے میں 400 ہاؤسنگ یونٹس کے ساتھ 45,000 مربع میٹر کے رقبے پر مشتمل ہوگا جس کے لیے 40 ملین عمانی ریال مختص کیے گئے ہیں۔

اس منصوبے میں 220 کمروں پر مشتمل ایک 4 اسٹار ہوٹل، گرین ہاؤسز کے ساتھ ایک رہائشی تجارتی ضلع، سائیکل کا راستہ، تقریبات کے لیے ہال، ایک ایروبک پارک اور مختلف قسم کے ریسٹورینٹ شامل ہوں گے،منصوبے کے دوسرے مرحلے میں 221,000 مربع میٹر کے رقبے پر 1,600 ہاؤسنگ یونٹس کی ترقی، تقریباً 10,000 مربع میٹر کی ایک بڑی مسجد کے علاوہ 50,000 مربع میٹر پر پھیلے 150 کمروں کے ساتھ ایک تین ستارہ ہوٹل بھی شامل ہوگا۔

جب کہ تیسرے اور آخری مراحل میں اپارٹمنٹس سے لے کر ولاز تک کے 3000 ہاؤسنگ یونٹس کے ساتھ ساتھ 36 لگژری واٹر فرنٹ ولاز شامل ہیں۔

اس موقع پر ایچ ای مہروقی نے کہا کہ یہ منصوبہ مسقط گورنری میں سیاحت اور اقتصادی تحریک کی بحالی کے لیے واقعی بہت اہمیت کا حامل ہے اورعمانی سیاحتی حکمت عملی کو لاگو کرنے کے فریم ورک کے تحت ہے۔ حی الساحل پراجیکٹ اپنی تکمیل پر اقتصادی اور سماجی طور پر اس منصوبے کے ہمسایہ علاقوں کی مثبت طور پر عکاسی کرے گا، جو اس کی بہت سی سیاحتی سہولیات کے ساتھ اس منصوبے سے براہ راست مستفید ہوں گے۔