کورونا کے وار جاری،مزید 42 افراد جان سے ہاتھ دھو بیٹھے

 (24نیوز) کورونا وائرس سے مزید 42 افراد جان سے ہاتھ دھو بیٹھے جس کے بعد اموات کی تعداد 12 ہزار 938 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 82 ہزار 528 ہوگئی جبکہ مزید1163 نئے مریض سامنے آ گئے۔

نیشنل کمانڈ اینڈ آپریشن سنٹر کے  اعدادوشمار کے مطابق گزشتہ 24 گھنٹوں کے دوران ایک ہزار 163 نئے کیسز رپورٹ ہوئے، پنجاب میں ایک لاکھ 72 ہزار 683، سندھ میں 2 لاکھ 58 ہزار 412، خیبر پختونخوا میں 72 ہزار 615 بلوچستان میں 19 ہزار 66، گلگت بلتستان میں 4 ہزار 956، اسلام آباد میں 44 ہزار 516 جبکہ آزاد کشمیر میں 10 ہزار 280 کیسز رپورٹ ہوئے۔ملک بھر میں اب تک 90 لاکھ 22 ہزار 124 افراد کے ٹیسٹ کئے گئے۔ 5 لاکھ 47 ہزار 406 مریض صحتیاب ہوچکے ہیں جبکہ ایک ہزار 529 مریضوں کی حالت تشویشناک ہے۔وائرس سے پنجاب میں 5 ہزار 391، سندھ میں 4 ہزار 353، خیبر پختونخوا میں 2 ہزار 85، اسلام آباد میں 501، بلوچستان میں 200، گلگت بلتستان میں 102 اور آزاد کشمیر میں 306 مریض جان سے ہاتھ دھو بیٹھے۔