کورونا سے 24 گھنٹے کے دوران مزید 8 افرادجاں بحق، 377 نئے کیسز رپورٹ

(24نیوز) کورونا وائرس سے 8 افراد جاں بحق ، اموات کی تعداد 28 ہزار 745 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 85 ہزار 631 ہوگئی۔

تفصیلات کے مطابق نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 377 نئے کیسز رپورٹ ہوئے، پنجاب میں 4 لاکھ 43 ہزار 240، سندھ میں 4 لاکھ 76 ہزار 17، خیبر پختونخوا میں ایک لاکھ 80 ہزار 146، بلوچستان میں 33 ہزار 488، گلگت بلتستان میں 10 ہزار 412، اسلام آباد میں ایک لاکھ 7 ہزار 765 جبکہ آزاد کشمیر میں 34 ہزار 563 کیسز رپورٹ ہوئے۔

یہ بھی پڑھیں: 50 سال سے زائد عمر کے افراد کو بوسٹر ڈوز لگانے کا فیصلہ

ملک بھر میں اب تک 2 کروڑ 20 لاکھ 72 ہزار 293 افراد کے ٹیسٹ کئے گئے، گذشتہ 24 گھنٹوں کے دوران 44 ہزار 137 نئے ٹیسٹ کئے گئے، اب تک 12 لاکھ 42 ہزار 718 مریض صحتیاب ہوچکے ہیں جبکہ 904 مریضوں کی حالت تشویشناک ہے۔

یہ بھی پڑھیں:خطرے کی گھنٹی ۔۔سعودی عر ب میں اومی کرون پہنچ گیا