آسٹریلیا کیخلاف ٹیسٹ سیریز کیلئے سکواڈ کا اعلان ، حارث رؤف دستبردار ہو گئے

(24 نیوز)چیف سلیکٹر وہاب ریاض نے آسٹریلیا کیخلاف ٹیسٹ سیریز کیلئے قومی ٹیم کا اعلان کر دیاجبکہ فاسٹ بولر حارث رؤف نے ٹیسٹ کھیلنے سے انکار کر دیا۔

لاہور میں پریس کانفرنس کرتے ہوئے وہاب ریاض نے بتایا کہ 18 رکنی ٹیسٹ سکواڈ میں کپتان شان مسعود، بابراعظم، عبداللہ شفیق، امام الحق، حسن علی، فہیم اشرف، ابرار احمد،  شاہین آفریدی، عامر جمال، خرم شہزاد، سعود شکیل، سرفراز احمد، میر حمزہ ، محمد رضوان ، وسیم جونیئر ، نعمان علی، صائم ایوب اور سلمان علی آغا شامل ہیں۔

وہاب ریاض نے بتایا کہ فاسٹ بولر حارث رؤف نے خود کو ٹیسٹ کھیلنے سے دستبردار کیا ہے،  ہم نے حارث رؤف کو ہر ممکن سہولیات دینے کی کوشش کی اور  دورے کے لیے حارث رؤف سے بات ہوئی تھی، فزیو نے بتایا کہ آگے جا کر فٹنس کا ایسا کوئی ایشو نہیں ہے لیکن حارث نے خود دورے پر جانے سے انکار کیا۔

 انہوں نے کہا کہ نسیم شاہ اگلے تین ہفتوں میں بولنگ شروع کرےگا اور محمد حسنین نے ورزش شروع کی ہے ایک سے دو ہفتوں میں وہ پریکٹس کا آغاز کریں گے،انہوں نے کہا کہ شاہنواز دہانی، شاداب خان، اسامہ میر، عثمان قادر اور محمد نواز کیمپ کوجوائن کریں گے،چیف سلیکٹر  کا کہنا تھا کہ ٹاپ آرڈر میں امام الحق ،عبداللہ شفیق اور شان مسعود پرفارم کررہے ہیں، چار پانچ اسپینر کیمپ میں بلائے ہیں ، صاحبزادہ فرحان ٹاپ اسکورر رہے لیکن ابھی اسکواڈ میں جگہ نہیں۔

???? SQUAD ANNOUNCED ????

Our 18-member squad for the three-match Test series against Australia ????????

Read more ➡️ https://t.co/eHP9NXPkOu#AUSvPAK | #BackTheBoysInGreen pic.twitter.com/ioKnv0cBxJ

— Pakistan Cricket (@TheRealPCB) November 20, 2023

انہوں نے مزید کہا کہ حسن علی کی کاونٹی سیزن میں اچھی پرفارمنس رہی ہے اور تجربہ بھی ہے، حسن علی جیسا کھلاڑی ہے وہ آسٹریلیا میں پرفامنس دے گا۔

یہ بھی پڑھیں:آسٹریلیاکے ہاتھوں بدترین شکست، بھارت میزبانی کے آداب ہی بھول گیا

چیف سلیکٹر وہاب ریاض نے پی ایس ایل نہ کھیلنے کا اعلان کردیا، چیف سلیکٹر کا کہنا تھا کہ میں پی ایس ایل میں حصہ نہیں لوں گا ،پی ایس ایل  میں کھیلا تو نئی باتیں شروع ہوجائیں گی۔