واٹر سلائیڈز لیتی ہوئی گائے کی ویڈیو وائرل

(مانیٹرنگ ڈیسک) برازیل میں ایک گائے مذبح خانے سے بھاگ کر واٹر پارک میں چلی گئی اور وہاں واٹر سلائیڈز کے مزے لینے لگی، گائے کی سلائیڈز لیتی ویڈیو سوشل میڈیا پر وائرل ہوگئی۔

یہ واقعہ برازیل کے شہر ریو ڈی جینرو سے قریب ایک چھوٹے سے ٹاؤن میں پیش آیا،  گائے ذبح ہونے سے بچنے کے لیے مذبح خانے سے فرار ہوئی اور کسی طرح قریب موجود ایک واٹر پارک میں پہنچ گئی۔

واٹر پارک میں اس وقت بہت کم لوگ موجود تھے جس کی وجہ گائے آرام سے گھومتی پھرتی رہی۔

اس دوران وہ ایک سوئمنگ پل کے قریب پہنچی، اور اس کی سیڑھیاں چڑھ کر اس کی سلائیڈ پر بھی پہنچ گئی۔ بعد ازاں وہ مزے سے سلائیڈ لیتی ہوئی نیچے گئی۔

 واٹر پارک انتظامیہ کے مطابق مذکورہ سلائیڈ صرف 200 کلو گرام کا وزن برداشت کرسکتی ہے، لیکن خوش قسمتی سے گائے 317 کلو گرام وزن کے ساتھ آرام سے سلائیڈ لیتی رہی اور سلائیڈ کو کوئی نقصان نہیں پہنچا۔گائے کی سلائیڈ لیتی ویڈیو سوشل میڈیا پر بے حد وائرل ہورہی ہے۔

واٹر پارک کے مالک نے اب اس گائے کو پارک میں ہی رکھ لیا ہے، اس کا کہنا ہے کہ یہ سیاحوں کے لیے کشش کا باعث بن گئی ہے اور انہیں  گائےکے یہاں ہونے سے کوئی پریشانی نہیں۔

 یہ بھی پڑھیں:    کورونا ویکسین کمائی کا بڑا ذریعہ بن گئی۔۔۔۔