ایران؛جمعہ اور ہفتہ کوچھٹی ہوگی،پارلیمنٹ نے منظوری دیدی

(24 نیوز)ایرانی پارلیمنٹ نے سرکاری ملازمین کیلئے ہفتہ وار تعطیل میں تبدیلی کی منظوری دیتے ہوئے جمعہ اور ہفتہ کے ایام کو اختتام ہفتہ قرار دیا ہے۔

ایرانی  میڈیا کے مطابق پارلیمنٹ کی طرف سے گزشتہ روز دی گئی اس منظوری کے بعد اتوار سے جمعرات کے دوران 40 گھنٹے کام کیا جائے گا،اس قانون سازی کو ابھی ملکی آئینی نگران کونسل کی جانب سے باضابطہ منظوری درکار ہے، ایران میں اس وقت ہفتے میں کام کے لیے 44 گھنٹے مختص ہیں جبکہ جمعرات کو نصف یوم اور جمعہ کو مکمل تعطیل ہوتی ہے۔ پارلیمنٹ میں اس حوالے سے مسودہ قانون کی 136 ارکان نے حمایت جبکہ 66 نے مخالفت کی اور تین اراکین غیر حاضر رہے۔

یہ بھی پڑھیں : بطوربزنس مین جہاں چاہوں ،سرمایہ کاری کروں گا،محسن نقوی کا تنقید کرنے والوں کو دو ٹوک جواب