جرمن خاتون وزیر خارجہ بیئربوک کا دو روزہ دورہ، جدہ پہنچ گئیں

(ویب ڈیسک) جرمن خاتون وزیر خارجہ اینالینا بیئربوک پیر کے روز جدہ پہنچ گئیں جہاں وہ متعدد عہدیداروں سے اہم ملاقاتیں کر رہی ہیں۔

ریاض میں جرمن سفارت خانے نے اعلان کیا کہ بیئربوک کا دورہ دو دن تک جاری رہے گا اور اس کا مقصد سعودی جرمن تعلقات کو مضبوط بنانا اور علاقائی اور بین الاقوامی مسائل پر بات چیت کرنا ہے۔

جرمن وزارت خارجہ کے ترجمان نے بتایا کہ بات چیت میں علاقائی مسائل پر توجہ مرکوز کی جائے گی جن میں سعودی عرب کے جنوبی پڑوسی ملک سوڈان اور یمن میں بحران کے انتظامات بھی شامل ہیں۔

#Jeddah | Foreign Minister HH Prince @FaisalbinFarhan receives German Foreign Minister @ABaerbock. ???????????????? pic.twitter.com/0DVEUmuC9G

— Foreign Ministry ???????? (@KSAmofaEN) May 15, 2023

بیئربوک آج جدہ میں یمنی وزیر خارجہ احمد بن مبارک کے ساتھ ساتھ اقوام متحدہ کے یمن کے کوآرڈینیٹر ڈیوڈ گریسلے کے ساتھ بات چیت کرنے والی ہیں۔

ایجنڈے میں خارجہ پالیسی کے امور میں سعودی عرب اور ایران کے درمیان تعلقات کو معمول پر لانا اور نومبر 2011ء میں معطل ہونے کے بعد اس ماہ کے شروع میں عرب لیگ میں شام کی واپسی بھی شامل ہیں۔ عرب سربراہی اجلاس آئندہ جدہ میں منعقد ہونا ہے۔