جناح ہسپتال میں بلڈ ٹیسٹ کیلئے زائد المیعاد وائلز کے استعمال کا انکشاف

(زاہد چودھری)جناح ہسپتال میں بلڈ کلچر ٹیسٹ کیلئے زائد المیعاد وائلز کے استعمال کا انکشاف ہوا ہے،  زائد المیعاد 4 ہزار وائلز فروری میں خریدی گئیں ۔

 بلڈ کلچر  وائلز پر صرف 5 ماہ کی ایکسپائری درج تھی،  قانون کی رو سے ایک سال سے کم ایکسپائری پر خریداری نہیں ہوسکتی ،زائدالمیعاد وائلز کو فروری میں خرید کر مارچ کے 2 ہفتوں میں استعمال کرنے کا دعویٰ کر دیا گیا ۔

4 ہزار زائدالمیعاد وائلز کو 2 ہفتے میں کیسے استعمال کیا گیا ، اس حوالے سے ریکارڈ ناپید ہے ،  ہسپتال انتظامیہ کی انکوائری میں زائدالمیعاد وائلز خریداری کی تصدیق ہوگئی ۔

 زائدالمیعاد وائلز کے ذریعے بلڈ کلچر ٹیسٹ کی رپورٹس مشکوک ہونے کا خدشہ ہے،محکمہ سپیشلائزڈ ہیلتھ زائدالمیعاد وائلز کا معاملہ دبانے کیلئے کوشاں ہے۔

یہ بھی پڑھیں:پی ٹی آئی کے سابق ایم این اے عبداللطیف چترالی نے سرنڈر کردیا