اداکارہ ایمن سلیم کا مہندی پر رقص ، تنقید کی زد میں آگیا
Stay tuned with 24 News HD Android App
(ویب ڈیسک) پاکستانی شوبز انڈسٹری کی معروف اداکارہ و ماڈل ایمن سلیم کا اپنی مہندی پر ڈانس سوشل میڈیا پر وائرل ہوتے ہی تنقید کی زد میں آگیا۔
کراچی میں سابق کرکٹر سلیم یوسف کی صاحبزادی و اداکارہ ایمن سلیم کی شادی کی تقریبات جاری ہیں، سال 2021 میں ڈراما ‘چپکے چپکے’ میں ‘مشی’ کے کردار سے اداکاری کی دنیا میں قدم رکھنے والی خوبرو اداکارہ ایمن سلیم نے 22 دسمبر کو ایک پُروقار تقریب کے دوران کامران ملک نامی شخص سے نکاح کیا تھا۔ نکاح کے بعد اس جوڑے کی منگنی، ڈھولکی، مایوں اور مہندی کی تقریبات ہوئیں جس کی ویڈیوز اور تصاویر سوشل میڈیا پر وائرل ہورہی ہیں جو صارفین کی توجہ کا مرکز بنی ہوئی ہیں۔
اب ایمن سلیم کی مہندی کی تقریب کی ایک ویڈیو سوشل میڈیا پر زیرِ گردش ہے جس میں وہ سفید لہنگے میں ملبوس ڈانس فلور پر راحت فتح علی خان اور مومنہ مستحسن کے سُپر ہٹ گانے ‘آفرین آفرین’ پر اپنے ڈانس کے جلوے بکھیر رہی ہیں۔
ویڈیو میں دیکھا جاسکتا ہے کہ ایمن سلیم کے ڈانس کو جہاں تقریب میں موجود مہمانوں نے خوب سراہا تو وہیں سوشل میڈیا صارفین نے اداکارہ کے ڈانس کا مذاق اُڑایا اور ویڈیو پر مزاحیہ تبصرے کیے۔
مزید پڑھیں: اُستاد چاہت فتح علی خان کے کاغذات نامزدگی بھی مسترد
ایک صارف نے ایمن سلیم کی ویڈیو پر تبصرہ کرتے ہوئے کہا کہ “باجی! لہنگا سنبھال لیں یا ڈانس کرلیں”۔ دوسرے صارف نے ایمن سلیم کا مذاق اُڑاتے ہوئے کہا کہ “یہ کیا کرنا چاہ رہی ہیں؟” ایک اور صارف کا کہنا تھا کہ “شرم تو پہلے ہی نہیں تھی لیکن آج پتا چل گیا کہ ڈانس بھی نہیں آتا”۔
واضح رہے کہ ایمن سلیم کو ڈراما سیریل ‘چپکے چپکے’ میں ‘مشی’ کے کردار سے کافی شہرت ملی تھی، اس کے بعد اُنہوں نے ڈراما ‘پرستان’ میں بھی مرکزی کردار ادا کیا تھا۔