قتل کروانے کا الزام: آصف زرداری کا عمران خان کو لیگل نوٹس، معافی کا مطالبہ

 (محسن الملک) سابق صدر آصف علی زرداری نے چیئرمین پی ٹی آئی عمران خان کو لیگل نوٹس بھیجوا دیا۔

سابق صدر آصف علی زرداری کی جانب سے لیگل نوٹس سنیئر سیاستدان فاروق ایچ نائیک کی جانب سے بھجوایا گیا۔ نوٹس میں عمران خان کے الزامات پر میڈیا رپورٹس کو بھی شامل کیا گیا۔

پیپلزپارٹی نے عمران خان کو 14 دن میں غیر مشروط معافی مانگنے کا مطالبہ کرتے ہوئے 10 ارب ہرجانے کا نوٹس بھجوا دیا۔ نوٹس میں کہا گیا کہ عمران خان نے الزام لگایا کہ دہشتگر تنظیم کو آصف علی زرداری نے مجھے قتل کرنے کے لئے پیسے دیئے، عمران خان اپنے الزامات کو عدالت کے سامنے ثابت کریں۔

یاد رہے کہ 27 جنوری کو عمران خان نے آصف علی زرداری پر انہیں قتل کی سازش کرنے کا الزام لگایا تھا۔