پی ٹی آئی ٹکٹوں کی تقسیم ، سابق چیف جسٹس کے بیٹے نے بھی دیہاڑی لگا لی

(24 نیوز ) پاکستان تحریک انصاف کی جانب سے پنجاب میں عام انتخابات کیلئے ٹکٹوں کی تقسیم کا عمل جاری ہے اس کے ساتھ ساتھ مختلف آڈیوز لیک کا سلسلہ بھی جاری ہے جس سے معلوم ہوتا ہے کہ  جیسے ٹکٹیں تقسیم نہیں بلکہ فروخت کی جا رہی ہیں، پہلے پی ٹی آئی سینئر رہنما اعجاز چودھری کی عمران خان سے ملاقات کیلئے ایک کروڑ روپے ریٹ طے کیے جانے کی خبر سامنے آتی ہے تو اب  سابق چیف جسٹس ثاقب نثار کے بیٹے نجم ثاقب کی جانب سے پی ٹی آئی ٹکٹ عنایت ہونے کے بعد امیدوار سے بڑی رقم کا مطالبہ سامنے آ تا ہے ۔

تفصیلات کے مطابق پی ٹی آئی میں ٹکٹوں کی تقسیم کے معاملے پر سابق چیف جسٹس ثاقب نثارکے صاحبزادے نجم ثاقب کی مبینہ آڈیو سامنے  آئی ہے جس میں وہ پنجاب اسمبلی سے پی پی 137 کے امیدوار ابوزر چدھڑ سے  محو گفتگو ہیں،   پی ٹی آئی ٹکٹ ہولڈر ابو زر نے نجم ثاقب سے کہا کہ آپ کی ایفرٹس سب رنگ لے آئی  ہیں، اس پر نجم ثاقب نے کہا کہ مجھے انفارمیشن آگئی ہوئی ہے، اب بتائیں اب کرنا کیا ہے۔

ابوزر چدھڑ نے کہا کہ ابھی ٹکٹ چھپوارہے ہیں ناں، چھاپ دیں اس میں دیرنہ کریں ٹائم تھوڑا ہے، نجم ثاقب نے کہا کہ بس بابا کو ملنےآجاناشکریہ اداکرنےکےلیےاورکچھ نہیں، اس پر ابوزر چدھڑ نے رضامندی کا اظہار کیا۔

 نجم ثاقب نے کہا کہ 11بجے تک واپس آجائیں گے ان کو جپھی ڈالنے آجانا بس، انہوں نے بہت محنت کی، بہت محنت کی ہے، اس پرابوزر نے کہا کہ بہت زیادہ، اچھا میں سوچ رہا تھا پہلے انکل کے پاس آؤں یاشام کو ٹکٹ جمع کراکرآؤں، اس پر نجم ثاقب نے کہا کہ وہ مرضی ہے تیری لیکن آج کے دن میں مل ضرور لینا بابا کو ، ابوزر نے جواب دیا کہ ہاں ضرور، سیدھا ہی ان کے پاس آنا ہے،  12 بجے ٹائم ختم ہو جانا ہے، نجم ثاقب نے ابوزر کو ہدایت کی کہ ٹکٹ چھپوائیں، تصویر بھیجیں اورپھر وہ کرکےآئیں اس پر ابوزرچدھڑ نے اوکے کہا۔

  جس کے بعد ایک اور کال کی گئی جس میں بظاہر ایسے معلوم ہوتا ہےکہ نجم ثاقب نے میاں عزیر نامی شخص کو کال کرتا ہے اور  کہتا ہے کہ واٹس ایپ دیکھیں،جس پر  میاں عزیر کہتا ہے کہ ہاں یہ ابوذر نے بھیجی ہےتمہیں،جس پر نجم ثاقب کہتے ہیں کہ یارمیں بھی وکیل ہوں،توکیا سین ہے؟ میاں عزیر کہتا ہے کہ کرلیتا ہوں بات نہ ،اوکے،نجم ثابق غصے کا اظہار کرتے ہوئے کہتے ہیں کہ کیا مطلب بات کرلیتا ہوں یہ طے شدہ تھا،میاں عزیر جواب دیتا ہے کہ فون کرکے بات کرلوں کہ بھیج دو سامان،نجم ثاقب عزیر کو تنبیہ کرتے ہیں کہ ایک بیس سے نیچے نہ لینا،میں تمہاری ٹانگیں توڑدوں گا، میاں عزیر انہیں ہدایتی طور پر کہتے ہیں کہ یار پھر تم یہ فون پر باتیں کررہے ہو، جس کو نظر انداز کرتےہوے سابق چیف جسٹس ثاقب نثار  کے بیٹے نجم ثاقب کہتے ہیں کہ میرے لئے اتنا ایشو کوئی نہیں ہے، ایک بیس سے نیچے نہ لینا،میں بتارہاہوں میں مذاق نہیں کررہا یہ بہت بڑی چیز ہے۔