ٹائپ 1 ذیابیطس کے علاج میں اہم پیشرفت، نئی دوا کو منظوری مل گئی

(ویب ڈیسک) ٹائپ 1 ذیابیطس کے شکار بچوں کے علاج کیلئے ادویہ ساز کمپنی سانوفی کی دوا زیلڈ  کوامریکی ریگولیٹر فوڈ اینڈ ڈرگ ایڈمنسٹریشن (ایف ڈی اے) کی منظوری مل گئی۔
ایف ڈی اے اس وقت زیلڈ کے استعمال کا جائزہ لے رہا ہے تاکہ اسے 8 سال یا اس سے زائد عمر کے اُن مریضوں کے لیے منظور کیا جا سکے جن میں سٹیج 3 ٹائپ 1 ذیابیطس حال ہی میں تشخیص ہوئی ہو،کمپنی کو حال ہی میں زیلڈ کے لیے ایک اضافی بایولوجکس لائسنس کی درخواست کی منظوری ملی ہے جس کے تحت اس دوا کو بچوں میں سٹیج 3 ٹائپ 1 ذیابیطس کے آغاز میں تاخیر کے لیے استعمال کیا جا سکے گا۔
 پہلی بار سٹیج 2 ٹائپ 1 ذیابیطس میں مبتلا بچوں کے لیے ایسی منظور شدہ تھراپی دستیاب ہوئی ہے جو بیماری کے پسِ پردہ موجود خودکار مدافعتی عمل کو براہِ راست ہدف بناتی ہے۔

یہ بھی پڑھیں:امام خمینی انٹرنیشنل ایئر پورٹ سے بیرون ملک فلائٹ آپریشن بحال
یہ فیصلہ PETITE-T1D فیز IV ایک سالہ ڈیٹا کی بنیاد پر کیا گیا جس میں 8 سال سے کم عمر بچوں میں زیلڈ کی حفاظت اور فارماکوکائنیٹکس کا جائزہ لیا گیا،زیلڈ کو اس وقت برازیل، کینیڈا، چین، یورپی یونین، کویت، سعودی عرب، متحدہ عرب امارات اور برطانیہ میں بھی استعمال کی منظوری حاصل ہے۔
اس سے قبل ایف ڈی اے نے اس دوا کو بریک تھرو تھراپی اور اورفن ڈرگ کے درجے بھی دیے تھے۔