طویل العمر بوبی چل بسا ،وہ کون تھا؟

(ویب ڈیسک)دنیا کا سب سے طویل عمر پانے والا کتا بوبی 31 سال کی عمر میں موت کے منہ میں چلا گیا،کتے کی موت اسپتال میں ہوئی ۔

غیر ملکی میڈیا کے مطابق پرتگال سے تعلق رکھنے والے کتے کا نام بوبی تھا  جسے دنیا کا سب سے عمر پانے والے کتے کا لقب ملا ۔بوبی کے مالک لیونل کوسٹا کی جانب سے بتایا گیاکہ بوبی جانوروں کے اسپتال میں پیر کے روز انتقال کرگیا اور اس نے 31 سال اور 165 دن کی عمر پائی تھی۔

میڈیا رپورٹس کے مطابق بوبی کی نسل کا تعلق ایک عام کتے کی نسل سے ہے جس کی عام طور پر زندگی 10 سے 14 سال کے درمیان ہوتی ہے لیکن بوبی وہ خوش نصیب کتا تھا جس نے 31 سال کی عمر پائی۔ رواں سال فروری میں ہی دنیا کے سب سے طویل عمر پانے والے کتے کا عالمی ریکارڈ بھی اپنے نام کیا تھا جب کہ اس سے قبل یہ ریکارڈ آسٹریلیا کے کتے کے پاس تھا جو 29 سال اور 5 ماہ کی عمر میں انتقال کرگیا تھا۔

Some sad news to bring you this Monday morning ????

Bobi recently celebrated his 31st birthday and was the oldest dog ever officially verified by Guinness World Records.

— Guinness World Records (@GWR) October 23, 2023

بوبی کے مرنے کا دکھ گنیز ورلڈ ریکارڈز کو بھی ہوا اور اس نے ایکس پر اس خبر کو دکھ کا اظہار کرتے ہوئے شیئر بھی کیا۔