یوم پاکستان کے موقع پر آزاد کشمیر کے انٹری پوائنٹ کوہالہ پر پروقار تقریب
Stay tuned with 24 News HD Android App
(احمد منصور)یوم پاکستان کے موقع پر آزاد کشمیر کے داخلی دروازے کوہالہ پر پرچم کشائی اور تحریک آزادی کشمیر کے ہیروز کی یاد میں یادگاری دیوار کا افتتاح کر دیا گیا۔
سابق وزیراعظم آزاد کشمیر سردار عتیق احمد خان اور پاک فوج کے مقامی کمانڈر نے پاکستان اور آزاد کشمیر کی پرچم لہرائے، پاک فوج کے چاک وچوبند دستے نے آزاد کشمیر اور پاکستان کے قومی ترانوں کی دھن پر پرچموں کی سلامی پیش کی۔
کوہالہ میں کشمیری ہیروز سید علی گیلانی ،سردار ابراھیم اور سردار عبد القیوم خان کی تصاویر سے مزین یادگاری دیوار کو دیکھنے کے لیے عوام کی بڑی تعداد موجود تھی۔
آذاد کشمیر کے انٹری پوائنٹ کوہالہ کے مقام پر آذاد کشمیر اور صوبہ خیبر پختونخواہ کے عوام نے ہاتھوں میں ہاتھ ڈال کر یکجہتی اور محبت کی علامت انسانی ہاتھوں کی زنجیر بنائی۔
تقریب میں شریک عوام نے پاکستان ذندہ آباد ،کشمیر بنے گا پاکستان اور پاک فوج زندہ آباد کے فلک شگاف نعرے لگائے۔
یہ بھی پڑھیں :یوم پاکستان ؛گورنر ہاؤس پشاور میں 7شخصیات کو صدارتی سول اعزازات سے نوازاگیا