بلاول بھٹو برازیل فٹبال ٹیم کے فین نکلے

(ویب ڈیسک)چیئرمین پیپلز پارٹی بلاول بھٹو زرداری برازیل فٹبال ٹیم کے فین نکلے۔ یلو جرسی پہن کر فٹبال ورلڈ کپ کے میچز دیکھنے کے لیے شائقین فٹبال کو لیاری انٹرنیشنل سٹیڈیم بلوا لیا۔

بلاول بھٹو نے ویڈیو بیان جاری کر کے کہا کہ لیاری سٹیڈیم آئیں، بڑی سکرین پر میچز انجوائے کریں۔ 
 

فٹبال ورلڈکپ کے سلسلے میں لیاری کے انٹرنیشنل اسٹیڈیم تشریف لائیں اور تمام میچز انجوائے کریں، چیئرمین بلاول بھٹو زرداری کا کراچی والوں کے لئے ویڈیو پیغام@BBhuttoZardari #Fifa #WorldCup pic.twitter.com/Jj1tXHJ5BQ

— PPP (@MediaCellPPP) June 11, 2026

خیال رہے کہ فٹبال کا سب سے بڑا عالمی میلا آج رنگا رنگ افتتاحی تقریب کے ساتھ شروع ہوگا۔ میکسیکو سٹی میں ورلڈ کپ فٹبال کا افتتاحی میچ میکسیکو اور جنوبی افریقہ کے درمیان پاکستانی وقت کے مطابق رات 12 بجے شروع ہوگا اور اب سے کچھ دیر بعد فٹبال اسٹیڈیم میں میوزک کی جھنکار ہوگی۔

معروف پاپ سٹار شکیرا اور برنا بوائے دلکش پرفارمنس سے شائقین کو جوش بڑھائیں گے، ورلڈ کپ کے مشترکہ میزبان کینیڈا اور امریکا میں بھی پہلے میچ سے قبل شاندار افتتاحی تقریب بھی ہوگی۔

یہ بھی پڑھیں:مختلف اضلاع میں بارش کی پیشگوئی، الرٹ جاری