ترکیہ کے سینٹرل بنک کی گورنر نے عہدے سے دستبرداری کا اعلان کردیا
Stay tuned with 24 News HD Android App
(ویب ڈیسک) حافظے گائے ایرکان نے ترکیہ جمہوریت سنٹرل بنک کے گورنر کے عہدے سے دستبرداری کا اعلان کردیا۔
ایرکان نے سوشل میڈیا اکاؤنٹ پر اپنی پوسٹ میں لکھا ہے کہ وہ 8 جون 2023ء سے سنٹرل بنک کی گورنر شپ کی خدمات انجام دے رہی تھیں اور کہا، ’میں نے صدر سے پہلے روز سے اپنی ذمہ داری اعزاز کے ساتھ ادا کرنے والے عہدے سے دستبرداری کی درخواست کی ہے‘۔
گورنر کے عہدے پر نائب گورنر فاتح قارا حان کی تقرری کردی گئی ہے۔
یہ بھی پڑھیے: ملائشیا کے سابق وزیراعظم نجیب رزاق کی سزا میں کمی
فاتح حان کی گورنر کے عہدے پر تقرری کے بارے میں فیصلہ صدر رجب طیب ایردوان کے دستخط کے ساتھ سرکاری گزٹ میں شائع ہوگیا ہے۔
وزیر خزانہ مہمت شمشیک نے اپنے بیان میں کہا کہ اقتصادی پروگرام بلاتعطل اور پُرعزم طریقے سے جاری رہے گا۔
وزیر شمشیک نے کہا، ’ایک ٹیم کے طور پر، ہم مضبوط تعاون اور ہم آہنگی میں قیمتوں میں استحکام کے اپنے ہدف کی طرف ثابت قدمی سے قدم اٹھاتے رہیں گے‘۔