بحرِ ہند میں تیزی سے بدلتی صورتحال سکیورٹی ماحول پر مسلسل اثرانداز ہو رہی ہے:نیول چیف

(درنایاب)چیف آف دی نیول سٹاف ایڈمرل نوید اشرف نے کہا ہے کہ بحرِ ہند میں تیزی سے بدلتی صورتحال سکیورٹی ماحول پر مسلسل اثرانداز ہو رہی ہے ،مستقبل کی جنگوں کیلئے جدید ٹیکنالوجی سے آراستہ افرادی قوت ناگزیر ہے۔

پاک فوج کے شعبہ تعلقات عامہ (آئی ایس پی آر) کے مطابق چیف آف دی نیول سٹاف ایڈمرل نوید اشرف نے پاکستان نیوی وار کالج لاہور کا دورہ کیا اور خطے کی بدلتی صورتحال کے تناظر میں پاکستان کو درپیش میری ٹائم سیکیورٹی سے متعلق چیلنجز پر اظہار خیال کیا۔

#ISPR
Rawalpindi, 24 June, 2026;

Admiral Naveed Ashraf, NI, NI (M), T Bt, Chief of the Naval Staff, visited #Pakistan Navy War College, Lahore, and addressed the participants of the 55th PN Staff Course.

Chief of the Naval Staff underscored that future wars necessitate….. pic.twitter.com/v81DdUT6BL

— Pakistan Armed Forces News ???????? (@PakistanFauj) June 24, 2026

سربراہ پاک بحریہ نے وار کالج کے 55 ویں سٹاف کورس کے شرکاء سے خطاب کرتے ہوئے کہا کہ مستقبل کی جنگوں کیلئے جدید اور ٹیکنالوجی سے ہم آہنگ افرادی قوت ناگزیر ہے۔

ان کا کہنا تھا کہ روایتی عسکری حکمتِ عملی کو جدید سکیورٹی چیلنجز سے ہم آہنگ کرنا ہوگا۔

نیول چیف ایڈمرل نوید اشرف نے مزید کہا کہ بحرِ ہند میں تیزی سے بدلتی صورتحال سکیورٹی ماحول پر مسلسل اثرانداز ہو رہی ہے، پاک بحریہ ہر طرح کے روایتی و غیر روایتی خطرات سے نمٹنے کیلئے ہمہ وقت تیار ہے۔

یہ بھی پڑھیں:240روپے فی لیٹر۔۔!ابتک کی بڑی خبر سامنے آ گئی

آئی ایس پی آر کے مطابق نیول چیف نے سٹاف کورس کے شرکاء کو کامیاب تکمیل پر مبارکباد دی، پیشہ ورانہ مہارت، تجزیاتی صلاحیت اور جدت اپنانے کی تلقین کی۔