شاہد آفری اور علی ظفر نے والد کے ہمراہ ٹی سٹال پر کام کرنے والے باکسر کی مدد کا اعلان کر دیا

(ویب ڈیسک) شاہد آفریدی اور علی ظفر نے والد کے ہمراہ ٹی سٹال پر کام کرنے والے باکسر کی مدد کرنے کا اعلان کر دیا ہے۔

پاکستان کے انڈسٹریل ہب کراچی میں ایک چائے کے ڈھابے پر کام کرنے والے پاکستانی نوجوان باکسر آغا کلیم نے سماجی رابطوں کی ویب سائٹ ٹوئٹر کے ذریعے باکسنگ کیریئر جاری رکھنے کیلئے مدد کی اپیل کی۔ جس پر پاکستان کرکٹ ٹیم کے سابق کپتان آل راؤنڈر شاہد خان آفریدی اور اداکاروگلوکار علی ظفر نے باکسر کی مدد کرنے کی یقین دہانی کرا دی ہے۔

یہ بھی پڑھیں: نائلہ کیانی اور شہروز کاشف نے تاریخ رقم کردی

آغا کلیم نے اپنے ٹوئٹ میں ویڈیو شیئر کی جس میں وہ پراٹھے بنا رہے تھے۔

Need your support @Shoaib_Jatt @kashifbuttpew @imransiddique89 @SAfridiOfficial @sib_dia @SagharOfficial1 @fozisidd @SDJasmine @GovtofPunjabPK @GovtofPakistan @dpr_gob @SindhGovt1 @iihtishamm @rooshni141947 @Rnawaz31888 @rukshi29450849 @Ruftaj @mariya_raj10 @RedWishDotCom pic.twitter.com/Ih0yQojLu4

— Kickboxer Agha Kaleem (@AghaKickboxer) March 30, 2023

نوجوان کک باکسر کی جانب سے مدد کی اپیل کے بعد شاہد خان آفریدی نے اپنے ٹوئٹر پر پیغام میں لکھا کہ ہم آپ کی مکمل ذمہ داری اٹھانے کیلئے تیار ہیں اور انشااللہ آپ اپنے کیریئر میں بہت آگے جائیں گے، میں نے اس مقصد کیلئے بنائی جانے والی شاہد آفریدی فاؤنڈیشن اور میگا سٹار لیگ کو الرٹ کر دیا ہے وہ جلد ہی آپ سے رابطہ کریں گی اور آپ کو درکار آلات مہیا کیے جائیں گے۔

We are fully ready to take this responsibility and help you reach milestones in your career inshaAllah. Please reach out to @SAFoundationN and @megastarsleague that has been created for this purpose - I have alerted both teams. They will connect you to the tools you need. https://t.co/e037PcZUv0

— Shahid Afridi (@SAfridiOfficial) April 8, 2023

دوسری جانب اداکار و گلوکار علی ظفر نے نوجوان باکسر کے پیغام پر جواب دیا کہ ’ہمیں اپنے ہیروز کی قدر کرنی چاہیے خاص کر ان کی جو بین الاقوامی سطح پر ملک کا نام روشن کرتے ہیں، سپورٹ مافیا جس نے ایسے ٹیلنٹ کو روکے رکھا ہے ان کی حوصلہ شکنی کرنی چاہیے، میں ان کی معاشی طور پر مدد کروں گا، ان کو رنگ میں واپس جانا چاہیے اور دوبارا فائیٹ کرنی چاہیے، میں اپنی اگلی فلم کیلئے ان کے ساتھ مل کر ٹریننگ کروں گا‘۔

We must value our national heroes, especially those who've brought us international pride, and never abandon them. The sports mafias that hold back such talent should be eradicated. I will support him financially.
He should return to the ring and fight again, and I'll train with… https://t.co/wVbr6SPS2H

— Ali Zafar (@AliZafarsays) April 8, 2023

 واضح رہے کہ آغا کلیم کوئٹہ کے علاقے نیوکلی کربلا شاہی کوٹ سے تعلق رکھتے ہیں اور معاشی جدوجہد کرتے ہوئے کراچی میں مقیم ہیں۔ وہ اپنے والد اور دیگر افراد کے ہمراہ ایک چائے کے ہوٹل پر 12 گھنٹے کام کرتے ہیں۔