آخری اوور میں 6 وکٹیں اڑا کر بولر نے مخالف ٹیم سے یقینی فتح چھین لی

(ویب ڈیسک) 6 گیندوں پر6 وکٹیں حاصل کر کے آسٹریلین کرکٹ کلب کے کپتان گیرتھ مورگن نےمخالف ٹیم سے یقینی فتح چھین لی۔
گولڈ کوسٹ کے پریمیئر لیگ ڈویڑن تھری میں سرفرز پیراڈائز کلب کی ٹیم نے مڈگیرابا کے خلاف فتح لگ بھگ مٹھی میں کر لی تھی اور 179 رنز کے ہدف کے تعاقب میں انھیں آخری اوور میں صرف پانچ رنز کی ضرورت تھی جبکہ ان کی 6 وکٹیں بھی باقی تھیں۔

یہ بھی پڑھیں: شاہین آفریدی کو کپتان بنایا جائے تو۔۔۔بڑی آواز بلند ہو گئی

لیکن مڈگیرابا کے کپتان گیرتھ مورگن نے چھ گیندوں پر چھ وکٹیں حاصل کر کے نہ صرف جیت حاصل کی بلکہ سب کو حیرت میں بھی ڈال دیا، میچ میں کامیابی کے بعد مورگن نے کہا کہ امپائر نے آخری اوور کے آغاز میں مجھ سے کہا کہ میچ جیتنے کے لیے مجھے ہیٹ ٹرک کرنی پڑے گی تاہم جب یہ ہو گیا تو وہ میری طرف دیکھتے ہی رہ گئے۔

گیرتھ مورگن کہتے ہیں کہ مجھے یاد ہے کہ ہیٹ ٹرک کے بعد میں نے سوچا تھا کہ اب یہ میچ نہیں ہارنا چاہیے،پھر یہ ناممکن ممکن بن گیا، جب میں نے آخری گیند پر حریف ٹیم کے کھلاڑی کو کلین بولڈ کیا اور سٹمپس کو پیچھے جاتے دیکھا تو مجھے یقین نہیں آیا، میں نے ایسا کچھ کبھی نہیں دیکھا تھا۔

'We just sort of laughed about it, there’s not much else you can do'

The first batsmen to fall in Surfers Paradise CC’s 'shocking' six-wicket collapse on Saturday has revealed he and his teammates were 'stunned' after the historic loss ????https://t.co/TabWD7XvUk

— Fox Cricket (@FoxCricket) November 12, 2023

لیکن یہ پہلا موقع نہیں جب مورگن نے ایسی شاندار بولنگ کی ہو، کلب کے فیس بک پیج پر مورگن کے والد نے لکھا کہ ’مورگن نے ایک بار ایک اوور میں پانچ وکٹیں حاصل کی تھیں لیکن وہ چھ وکٹیں حاصل نہیں کر سکے تھے کیونکہ اوور کے آغاز میں مخالف ٹیم کی صرف پانچ وکٹیں ہی باقی تھیں۔