کمرشل گاڑیوں کیلئے ایک اور نئے ریلیف منصوبے کا آغاز

 (ویب ڈیسک ) خیبر پختونخوا کی حکومت نے کمرشل گاڑیوں کے لیے احساس فیول سپورٹ سکیم شروع کرنے کا فیصلہ کیا ہے۔

ایران جنگ کے تناظر میں پٹرولیم مصنوعات کی قیمتوں میں بڑے اضافے کے بعد وفاقی اور صوبائی حکومتوں کی جانب سے موٹر سائیکل سوار سے پبلک ٹرانسپورٹ تک فیول ریلیف پیکیجز دیے جا رہے ہیں۔

اب خیبر پختونخوا کی حکومت نے کمرشل گاڑیوں کے لیے احساس فیول سپورٹ  سکیم شروع کرنے کا فیصلہ کیا ہے۔

 یہ بھی پڑھیں:امریکا سے بھی زیادہ طاقت؟ایران کے خفیہ کارڈز سامنے آگئے

محکمہ ٹرانسپورٹ کے پی کے مطابق کمرشل گاڑی مالکان کو پٹرول اور ڈیزل پر ماہانہ سبسڈی دی جائے گی۔

بسوں کیلیے ماہانہ ایک لاکھ، بڑی گاڑیوں کیلیے 80 ہزار، ٹرکوں کے لیے 70 ہزار روپے ماہانہ فیول سبسڈی دی جائے گی۔ اس کے علاوہ منی بسوں کو 40 ہزار جبکہ وینز کو 35 ہزار روپے ماہانہ سبسڈی ملے گی۔

محکمہ ٹرانسپورٹ کا کہنا ہے کہ اسکیم کیلیے درخواست کا عمل مکمل طور پر ڈیجیٹل رکھا گیا ہے۔