30 سال سے زائد عمر کے افراد کی واک ان ویکسی نیشن کا فیصلہ

(24نیوز) کورونا کی روک تھام کے حوالے سے  حکومت نے کل سے 30 سال سے زائد عمر کے افراد کی واک ان ویکسی نیشن کا فیصلہ کرلیا۔

 وفاقی وزیر منصوبہ بندی و سربراہ این سی او سی اسد عمر نے سماجی رابطے کی ویب سائٹ پر ٹویٹ کرتے ہوئے کہا کہ این سی او سی اجلاس میں فیصلہ کیا کہ کل سے 30 سال سے زائد عمر کے افراد واک ان ویکسی نیشن کرا سکیں گے، اگر آپ کی عمر 30 سال سے زیادہ ہے تو خود کو رجسٹر کرائیں، کسی بھی ویکسی نیشن سنٹر جا کر ویکسین کرائیں۔

In the NCOC meeting today it was decided to open up walk in vaccination for 30 plus from tomorrow . So if you are 30 or older and registered please go to any vaccination centre and get vaccinated

— Asad Umar (@Asad_Umar) May 28, 2021

ایک اور ٹویٹ میں اسد عمر نے لکھا کہ پاکستان میں 50 لاکھ سے زائد لوگوں کو ویکسین لگائی جاچکی ہے، جلد رجسٹر ہوں اور ویکسین لگوائیں تاکہ بندشیں مزید کم کر سکیں، آپ اپنی زندگی آزادی کے ساتھ کورونا کے خوف کے بغیر گزار سکیں، پاکستان کی ترقی کا سفر تیز تر ہو۔

دوسری جانب    اسلام آباد چیمبرز آف کامرس میں خطاب کرتے ہوئے وفاقی وزیر منصوبہ بندی و این سی او سی کے سربراہ اسد عمر کا کہنا تھا کہ حکومت چاہتی ہے کہ بڑی عید پر کوئی پابندی نہ ہو۔آئندہ مالی سال کیلئے 4 اعشاریہ 8 فیصد جی ڈی پی گروتھ کی منظوری دے دی گئی، سالانہ منصوبہ بندی رابطہ کمیٹی آئندہ سال کیلئے دیگر اہداف کا جائزہ لے رہی ہے.

یہ بھی پڑھیں: کورونا وائرس کی ابتدا  کہاں سے ہوئی، چھان بین تیزی سے کی جائے، بائیڈن