پی ایس ایل 9: کراچی کنگز نے پشاور زلمی کو 7 وکٹوں سے ہرا دیا

نیوزی لینڈ کرکٹ کا بڑا نام اسلام آباد یونائیٹڈ میں شامل

(24نیوز) پی ایس ایل 9 کو بڑا بوسٹ، نیوزی لینڈ کے جارحانہ بیٹر مارٹن گپٹل نے اسلام آباد یونائیٹڈ کو جوائن کرلیا۔

اسلام آباد یونائیٹڈ نے یو اے ای کے نوجوان کھلاڑی محمد وسیم کی جگہ سابق کیوی کرکٹر مارٹن گپٹل کو اپنی ٹیم میں شامل کیا ہے۔

محمد وسیم کو یونائیٹڈ کی نمائندگی کرنا تھی لیکن وہ دیگر لیگ کی وجہ سے پی ایس ایل سے دستبردار ہوگئے۔ 

’بابراعظم،مکی آرتھر نے ٹیم تباہ کردی‘

(ویب ڈیسک) پاکستان کرکٹ ٹیم کے سابق ڈائریکٹر وہیڈکوچ محمد حفیظ نے دعویٰ کیا ہے کہ پاکستان کرکٹ سے فٹنس لیول کا کلچر 6 ماہ قبل اس وقت کے کپتان بابر اعظم اور ڈائریکٹر مکی آرتھر نے ختم کرکے ٹیم تباہ کردی تھی اور اسی عرصہ میں ہم نے ایشیا کپ،ورلڈکپ اور دورہ آسٹریلیا کھیلا،بری طرح ہارگئے۔

نجی ٹی وی چینل پر گفتگو میں محمد حفیظ کہتے ہیں کہ یہ شاکنگ نیوز ہے،اس لئے کہ دورہ آسٹریلیا سے قبل جب میں نے چارج سنبھالا تو میں نے وہاں ٹیسٹ سیریز سے قبل پوچھا کہ سب کو میدان میں لائو اور مجھے بتائو کہ فٹنس لیول کیا ہے اور اس کا ضابطہ کیا رکھاگیا ہے تو مجھے متعلقہ بندے نے کہا کہ اس کو چھوڑیں،کیونکہ یہ تو 6 ماہ سے بند ہے۔

پی ایس ایل9:اہم مقابلے،کہیں ہیٹ ٹرک ہوگی تو کہیں پہلی جیت

(24 نیوز)پاکستان سپر لیگ کے ابتدائی میچ پھیکے تو آنیوالے مقابلوں میں جان پڑنے لگی ۔پی ایس ایل 9 میں آج ڈبل ہیڈر،کہیں ہیٹ ٹرک ہوگی تو کہیں پہلی جیت،جائزہ۔کرکٹ کی تازہ ترین خبریں یہ ہیں کہ پشاور زلمی کیلئے بھی سخت شیڈول کا وقت آن پہنچا۔آج لاہور میں میچ ہے تو کل اسے ملتان میں کھیلنا ہوگا۔

ایچ بی ایل  پی ایس ایل 9 میں آج 2 پی ایس ایل لائیو میچز ہونگے۔پہلا میچ دن 2 بجے قذافی اسٹیڈیم لاہور میں پشاور زلمی اور کراچی کنگز کا ہوگا۔دونوں پوائنٹس ٹیبل کی آخری ٹیمیں ہیں۔دونوں اپنا پہلا میچ ہاری ہیں۔ان میں سے ایک آج فتح کا ذائقہ چکھ لے گی۔

پی ایس ایل ہسٹری میں کراچی کنگز کا  سب سے بد تر ریکارڈ پشاور زلمی کے خلاف ہے۔19 میچز میں سے صرف 5 جیتے ہیں اور 14 ہارے ہیں۔26 فیصد فتح شرح باقی ٹیموں کے مقابلہ میں کم ہے۔

ایچ بی ایل پی ایس ایل 9 کا  7 واں اور آج کا دوسرا میچ ملتان کرکٹ اسٹیڈیم میں ہوگا۔ناقابل شکست ملتان سلطانزکو ہوم میدان میں دفاعی چیمپئن لاہور قلندرزکا چیلنج درپیش ہوگا۔یہاں سے ٹیموں کا تیسرا مرحلہ شروع ہوگا۔دونوں کا یہ تیسرا میچ ہوگا۔ملتان سلطانز فتوحات کی ہیٹ ٹرک کرنا چاہے گی اور لاہور قلندرز ناکامیوں کی ہیٹ ٹرک سے بچنے کیلئے ہاتھ پائوں مارے گی۔گزشتہ سال لاہور نے ملتان کو ملتان میں سخت مقابلہ کے بعد 1 رن سے ہرادیا تھا۔

ملتان کے سلطانوں کا شہر اقتدار کے اتحادیوں سے ٹاکرا،کون بازی پلٹ سکتا ہے؟

 (اظہر تھراج)کھل کے کھیل پیارے کب تک تو ڈرے گا،دل میں جو آیا کب تو وہ کرے گا،پی ایس ایل 9 کی ٹرافی کیلئے جنگ جاری ہے لیکن وہ جوش وہ جذبہ ابھی تک دیکھنے کو نہیں ملا جو گزشتہ پاکستان سپر لیگ ایونٹس میں دیکھنے کو ملا۔یہ ٹرافی کون اٹھاتا ہے یہ سفر تو ابھی بہت دور ہے لیکن لیگ میچز دلچسپ ہونے کی توقع ہے۔

ایس ایل 9کے پانچویں میچ میں ملتان سلطانز  کا مقابلہ اسلام آباد یونائیٹڈ  سے ہوگا۔ یہ میچ منگل کی شام یعنی آج ملتان کے ملتان کرکٹ اسٹیڈیم میں شام 7:00  بجے کھیلا جائے گا۔حیران کن طور پر ملتان کا سفر اسلام آباد سے کم ہےاسلام آباد پہلی پی ایس ایل سے کھیل رہی ہے۔دونوں کا اب تک 13 میچز ہوچکے ہیں۔ملتان سلطانز نے 7 میں کامیابی نام کی ہے اور اسے 6 میں شکست ہوئی ہے۔

ملتان سلطانز نے پہلے میچ میں شاندار کارکردگی کا مظاہرہ کرتے ہوئے کراچی کنگز کو  55 رنز سے شکست دی۔ بلے بازوں نے عمدہ کارکردگی کا مظاہرہ کیا اور گیند بازوں نے 185 رنز کے دفاع میں شاندار کارکردگی کا مظاہرہ کیا۔ ان کی نظریں اس میچ میں دوسری جیت پر ہوں گی۔

دوسری جانب اسلام آباد یونائیٹڈ نے اپنے پہلے میچ میں لاہور قلندرز کو 8 وکٹوں سے شکست دی تھی۔ شاداب خان اور آغا سلمان اپنی ٹیم کے بلے سے ہیرو تھے۔ ان کے گیند بازوں کے لیے مشکل دن تھا لیکن یہ ایک اعلی اسکور کرنے والا مقابلہ تھا اور وہ اس کھیل میں اچھی کارکردگی کا مظاہرہ کرتے نظر آئیں گے۔

پہلے میچ میں ملتان کی پچ نئی گیند کے ساتھ تیز گیند بازوں کے لیے کچھ مدد کے ساتھ بیٹنگ کے لیے بہترین تھی اور اسپنرز کو بھی پچ سے کچھ ٹرن ملا۔ مجموعی طور پر، کھیل پر بلے بازوں کا غلبہ ہوگا جیسا کہ پی ایس ایل کے بیشتر میچوں میں ہوتا ہے۔ملتان سلطانز کیلئے محمد علی نے پہلے میچ میں عمدہ بولنگ کرتے ہوئے 4 وکٹیں حاصل کیں۔وہ نئی گیند سے گیند کرے گا اور پھر اننگز کے اختتامی اوورز بھی ہونگے۔

خواجہ نا فع فیس بک سے کوئٹہ گلیڈی ایٹر ز میں کیسے پہنچے؟

( 24 نیوز)پی ایس ایل 9 میں ڈیبیو نصف سنچری بناکر لاہور قلندرزکی دھجیاں اڑانے والے 22 سالہ رائٹ ہینڈ بیٹر کے بارے میں دلچسپ انکشاف ہوا ہے۔یہ کرکٹر فیس بک سے کوئٹہ گلیڈی ایٹرز تک پہنچے ہیں۔

کوئی ٹیلنٹ ہنٹ پروگرام تھا اور نہ ہی کوئی کیمپ،اس میں نوجوان کرکٹرز اور محنتی کھلاڑیوں کیلئے ایک سبق ہے کہ محنت سے وہ کہیں بھی پہنچ سکتے ہیں، گلیڈی ایٹرز کی لاہور قلندرزکےخلاف فتح کے بعد سرفراز احمد نے بتایا ہے کہ خواجہ نافع کی سٹوری منفرد اور دلچسپ ہے،وہ شروع میں ایک اکیڈمی میں تھے اور دائیں بائیں بھی کھیلتے تھے لیکن ان کی ویڈیوز فیس بک پر ہوتی تھیں جو وہ خود بھی ڈالتے تھے۔

انہوں نے بتایا کہ ہماری منیجمنٹ کی نگاہ سے وہ ویڈیو گزری اور اس کے بعد ایک سال میں ان کا مختصر ساسفر کوئٹہ گلیڈی ایٹرزتک آن پہنچا،انہوں نے آج لاہور میں شاہین،حارث اور زمان جیسے پیسرز کے خلاف 31 بالز پر 60رنزکی فتح گر اننگ کھیلی اور مین آف دی میچ قرار پائے۔

میچ کے بعد خواجہ نافع نے کہا ہے کہ  میں نے صرف نیچرل گیم کھیلی ہے،سامنےکون تھا،ذہن میں نہیں رکھا، منیجمنٹ اور ٹیم مالکان کریڈٹ کے مستحق ہیں۔

پاکستان کرکٹ بورڈ نے مفت ٹکٹس دینے کا سلسلہ بند کردیا

(وسیم احمد)پاکستان کرکٹ بورڈ (پی سی بی) نے ہاسپٹلیٹی (اسپیشل) باکس اور مفت ٹکٹس دینے کا سلسلہ بند کر دیا۔

تفصیلات کے مطابق محسن سپیڈ کے پاکستان کرکٹ بورڈ میں بھی انقلابی اقدامات جاری ہیں، پی سی بی میں وی وی آئی پی کلچر ختم کرنے کا فیصلہ کرلیا گیا ہے۔

ذرائع کے مطابق پی سی بی نے وی آئی پی باکس کے ٹکٹ بھی فروخت کرنے کے احکامات جاری کردیے ہیں اور پاکستان سپر لیگ سیزن 9 کے تمام میچز کے لیے بھی انتظامیہ کو مفت ٹکٹس دینے سے روک دیا ہے اور اب وی  آئی پیز کو بھی پی ایس ایل کے میچز کےلئے ٹکٹ خریدنا پڑیں گے۔

پی سی بی نے رواں سیزن میں سکیورٹی اور انتظامی امور کی مد میں 25 کروڑ بچا لیے، گزشتہ سیزن میں اس حوالے سے پنجاب گورنمنٹ اور پی سی بی کے درمیان تنازعہ بھی پیدا ہوا تھا۔

پی ایس ایل 9 کا میلہ سجنے کو تیار، کراچی کنگز کی ٹیم ملتان پہنچ گئی

(سید ذوہیب بخاری) پاکستان سپر لیگ 9 کا میلہ سجنے میں صرف 3 روز باقی،  کراچی کنگز کی ٹیم آج ملتان پہنچ گئی۔

پاکستان سپر لیگ (پی ایس ایل) سیزن 9 میں شہر اولیاء ملتان 5 میچوں کی میزبانی کرے گا، ملتان میں پہلا میچ ملتان سلطانز اور کراچی کنگز کے مابین کھیلا جائے گا جس کے لئے کراچی کنگز کی ٹیم آج ملتان پہنچ گئی۔