پنجاب کے شہریوں کے لیے بڑا ریلیف:اہم خوشخبری مل گئی

(24 نیوز )شادمان میں احساس رعایت راشن سٹور کی افتتاحی تقریب ہو ئی جس میں وزیراعلیٰ چودھری پرویز الہٰی نے رعایت راشن سٹورکاافتتاح کیا۔ اس پروگرام کے زریعے80لاکھ خاندانوں کو 100ارب کی سبسڈی فراہم کی جائے گی۔آٹا،گھی اور دالوں کی خریداری پر40فیصد رعایت حاصل ہوگی۔مستحق افراد8123 پر شناختی کارڈنمبر ایس ایم ایس کرکےرجسٹرڈ ہونگے۔شہری احساس پنجاب کے ویب پورٹل پربھی رجسٹریشن کروا سکتے ہیں۔چیئرپرسن احساس پروگرام ڈاکٹر ثانیہ نشتر افتتاحی تقریب میں شریک ہوئی  ان کے علاوہ مشیر اطلاعات پنجاب عمر سرفراز چیمہ افتتاحی تقریب میں شریک ہوئے اورچیف سیکرٹری پنجاب عبداللہ سنبل بھی افتتاحی تقریب میں شریک تھےْ۔

 یاد رہے کہ  اس سے پہلےچیئرپرسن احساس پروگرام ڈاکٹر ثانیہ نشتر نےٹوئٹر پر جاری اپنے بیان میں  کہا کہ احساس راشن پروگرام کے تحت 100 ارب روپے سے 80 لاکھ گھرانے مستفید ہوں گے۔انہوں نے کہا کہ آٹے، دال، گھی یا پکانے کے تیل پر 40 فیصد تک رعایت ہوگی، صارفین اور دکانداروں کے لیے آج سے رجسٹریشن کا آغاز ہو گیا ہے۔

پنجاب کابینہ نے100ارب روپے کے احساس راشن رعایت پروگرام کی منظوری دےدی ہے! 80لاکھ گھرانے مستفید ہونگے اور آٹے، دال،گھی یا پکانے کے تیل پر40فیصد تک رعایت ہوگی۔آج سے رجسٹریشن کا آغاز ہوگیا ہے۔جو گھرانےاس پروگرام سے مستفید ہونا چاہتےہیں اس کیو آر کوڈ کو سکین کر کےرجسٹریشن کروائیں۔1/2 pic.twitter.com/xyG4WeYoLm

— Senator Dr Sania Nishtar (@SaniaNishtar) October 2, 2022