چین:تیز رفتار مسافر ٹرین 600کلو میٹر فی گھنٹہ دوڑ ے گی

Jul 20, 2021 | 16:09:PM
چین:تیز رفتار مسافر ٹرین 600کلو میٹر فی گھنٹہ دوڑ ے گی

(24نیوز)چین نے دنیا کی تیز ترین مسافر ٹرین متعارف کرا دی ، یہ ٹرین 600کلو میٹر فی گھنٹہ کے حساب سے سفر کریگی۔

غیر ملکی میڈیا رپورٹ کے مطابق گزشتہ روز چین میں دنیا کی تیز ترین مسافر ٹرین (maglev train) نے اپنے سفر کا آغاز کیا۔رپورٹ کے مطابق ٹرین 600 کلو میٹر (373میل) فی گھنٹہ رفتار سے دوڑ سکتی ہے جو دنیا میں کسی بھی ٹرین کی تیز ترین رفتار ہے۔

ٹرین کا آغاز مشرقی چین کے صوبے شینڈونگ کے ساحلی شہر کنگڈاؤ سے کیا گیا ہے۔چینی میڈیا کے مطابق اس ٹرین کے ذریعے بیجنگ اور شنگھائی کے درمیان کا سفر جو 5 گھنٹوں پر محیط تھا وہ کم ہوکر ڈھائی گھنٹے کا رہ گیا ہے۔ 

چین ریلوے رولنگ اسٹاک کارپوریشن کے مطابق دنیا کی تیز ترین ٹرین چین کی تیار کردہ ہے جس کی تیاری نے ریل آف ٹرانزٹ کے شعبے میں ملک کی جدید سائنسی ٹیکنالوجی کی کامیابی کی نشاندہی کی ہے۔ 

 یہ بھی پڑھیں:    پولیس انسپکٹر بیٹے کے ہاتھوں قتل