ایمانوئل میکرون دوسری بار فرانس کے صدر منتخب

(24 نیوز)فرانس کے انتخابات میں ایمانوئل نے حریف امیدوار مارین لی پین کو شکست دیدی،برطانیہ کے وزیراعظم بورس جانسن سمیت یورپی رہنماﺅں نے میکرون کو مبارکبادکے پیغامات بھجوائے۔
تفصیلات کے مطابق ایمانوئل میکرون دوسری بار فرانس کے صدر منتخب ہو گئے،میکرون کے حامیوں نے فرانسیسی اور یورپی یونین کے جھنڈے لہرادیئے،ایمانوئل میکرون نے انتہائی دائیں بازو کی امیدوار مارین لی پین کو شکست دی۔
ایمانوئل میکرون نے 58.5 فیصد جبکہ ان کے مدمقابل مارین لی پین نے 41.5 فیصد ووٹ حاصل کئے ،ایمانوئل میکرون 20 سال میں دوسری بار منتخب ہونے والے پہلے فرانسیسی صدر بن گئے ،53 سالہ مارلین لی پین تیسری بار صدارتی انتخاب میں حصہ لے رہی تھیں ۔

یہ بھی پڑھیں: حکومت نے آئی ایم ایف کا پٹرول اور بجلی پر سبسڈی ختم کرنے کا مطالبہ تسلیم کرلیا