انسٹاگرام میں ’ری ٹویٹ‘ جیسے فیچر ’ری پوسٹ‘ کی آزمائش کا سلسلہ شروع

(ویب ڈیسک) سوشل شیئرنگ ایپلی کیشن انسٹاگرام کی جانب سے ایپلی کیشن پر ایک فیچر کی آزمائش شروع کردی گئی تاہم یہ فیچر سالوں سے فیس بک اور ٹوئٹر پر دستیاب ہے۔

کمپنی کے مطابق مذکورہ فیچر ابھی ابتدائی مراحل میں ہے اور فوری طور امریکا سمیت دیگر ممالک کے محدود صارفین کو اس تک رسائی دی گئی ہے تاہم جلد ہی اس کی آزمائش کو بڑھایا جائے گا۔ مذکورہ فیچر کے تحت انسٹاگرام صارفین دوسرے لوگوں کی تصاویر اور پوسٹس کو ری پوسٹ یا ری شیئر کر سکیں گے۔

یہ بھی پڑھیے: سام سنگ کے ایپل پر طنزیہ حملے, انٹرنیٹ پر وائرل

یعنی جس طرح کوئی فیس بک کی پوسٹ کو شیئر کرتا ہے یا ٹوئٹر پر کسی کی ٹوئٹ کو ری ٹوئٹ کیا جاتا ہے اسی طرح انسٹاگرام پوسٹس کو بھی شیئر کیا جا سکے گا۔ اس فیچر کے تحت ابتدائی طور پر ہر صارف کی محدود پوسٹس کو شیئر یا پوسٹ کرنے کا آپشن دیا جائے گا جس کے بعد اسے عام کردیا جائے گا۔

Instagram Reposts Tab on profiles?!

What’s dis Adam? pic.twitter.com/WayWCJGBfx

— Matt Navarra (@MattNavarra) September 7, 2022

نئے فیچر کے تحت صارفین کی تمام پوسٹس کو دوسرے صارفین شیئر نہیں کر سکیں گے جب کہ ممکنہ طور پر صارف کو یہ اختیار بھی دیا جائے گا کہ وہ اپنی پوسٹ کو دوسرے لوگوں کی جانب سے شیئر کرنے کے لیے اوپن رکھے یا نہ رکھے۔