طیبہ گل کے الزامات، ڈی جی نیب لاہورکا 10 کروڑ روپے ہرجانے کانوٹس 

(ویب ڈیسک)ڈائریکٹر جنرل قومی احتساب بیورو (ڈی جی نیب) شہزاد سلیم نے ہراسانی کا الزام لگانے پر طیبہ گل کو 10 کروڑ روپے ہرجانے کا نوٹس بھیج دیا۔
شہزاد سلیم کا کہنا ہے کہ میری کال ریکارڈ کرکے میری آڈیو کو غلط استعمال کیا گیا، طیبہ گل کے معاملے میں جو بھی کارروائی کی وہ قانون کے مطابق تھی۔شہزاد سلیم نے کہا کہ طیبہ گل کے خلاف شکایات نیب لاہور کو موصول ہوئی تھیں، طیبہ گل ایک کیس میں مدعی اور ایک کیس میں ملزمہ رہیں۔
اس حوالے سے ترجمان نیب نوازش علی نے بھی کہا ہے کہ ان کی طیبہ گل سے کبھی ملاقات نہیں ہوئی، طیبہ فاروق گل نے میرے حوالے سے غلط بیانی کی۔
خیال رہے کہ گزشتہ روز طیبہ گل نے ڈی جی نیب لاہور شہزاد سلیم پر سنگین الزامات عائد کئے تھے۔

یہ بھی پڑھیں: شیخ رشید سے سکیورٹی واپس لے لی گئی