ٹروپیکل سائیکلون وارننگ سنٹر نے طوفان تیج کا آٹھواں الرٹ جاری کردیا

(24 نیوز) ٹروپیکل سائیکلون وارننگ سینٹر نے طوفان تیج کا آٹھواں الرٹ جاری کردیا۔

محکمہ موسمیات کے مطابق طوفان عمان سے 270 کلومیٹر کے فاصلے پر ہے، تیج طوفان یمن سے 70 کلومیٹر کے فاصلے پر موجود ہے جبکہ گوادر سے اس کا فاصلہ 1500 کلومیٹر ہے۔

طوفان کے مرکز میں 130 سے 140 کلومیٹر رفتار کی ہوائیں چل رہی ہیں، ہواؤں کی رفتار 160 کلومیٹر فی گھنٹہ سے تجاوز کر رہی ہے، طوفان کے گرد لہریں 30 فٹ تک بلند ہو رہی ہیں۔

???? CYCLONE TEJ ABOUT TO MAKE LANDFALL AT OMAN / YEMEN COASTAL AREAS:

The Inner Band of Eyewall is Nearly Hitting the land mass Right now. Extreme Weather Conditions can be Seen in form of Torrential Downpours, Severe Winds, Urban Flooding and Flash Flooding in Hill Torrents.… pic.twitter.com/9xa96sGNKc

— Weather Updates PK (@WeatherWupk) October 23, 2023

محکمہ موسمیات کے مطابق تیج طوفان چند گھنٹوں میں 120 سے 130 کلومیٹر فی گھنٹہ کی رفتار سے چلنے والی ہواؤں کے ساتھ الغیدہ کے قریب یمن کے ساحل سے ٹکرائے گا۔

واضح رہے کہ پاکستان کے کسی ساحلی مقام کو طوفان کے اثرات سے کوئی خطرہ لاحق نہیں ہے، تیج بھارت کا تجویز کردہ نام ہے جس کا مطلب ’رفتار‘ ہے۔