سینیٹ انتخاب 2 اپریل کو ہوں گے ،الیکشن کمیشن نے شیڈول جاری کردیا

(24 نیوز) پاکستان تحریک انصاف کے چیئرمین بیرسٹر  گوہر خان کا کہنا ہے کہ ہم آزاد امیدوار نہیں ہیں ،باقاعدہ سنی اتحاد کونسل میں شامل ہوئے تھے،720 صفحات کی دستاویزات میں نے الیکشن کمیشن میں جمع کروائی تھیں۔

بیر سٹر گوہر کا کہنا ہے کہ مخصوص نشستوں پر جو پارٹی اسٹرکچر دیا تھا اس میں سنی اتحاد کونسل کا نام شامل تھا،اسپیکر کا یہ قراردینا کہ ہم آزاد ہیں مناسب نہیں ہے ۔

سینیٹ الیکشن کے بارے میں ان کا کہنا تھا کہ الیکشن کمیشن کو خیبر پختونخواہاسمبلی میں  الیکشن ملتوی نہیں کرنے چاہئیں،آرٹیکل 51 کے مطابق کسی بھی جماعت کو اس کی جیتی  ہوئی سیٹوں سے زیادہ سیٹیں نہیں دیں گے ، اپوزیشن کی 17 سیٹیں ہیں، کے پی میں اور وہ 30 سیٹیں اور مانگ رہے ہیں۔

یہ بھی پڑھیں : ’بانی پی ٹی آئی نے ہمیشہ سکھایا کہ لڑنا ہے‘علی امین گنڈا پورکا بھرپور مقابلہ کرنے کا اعلان

(24 نیوز)اپوزیشن کی درخواست پر خیبرپختونخوا میں سینیٹ الیکشن ملتوی کردئیے گئے ہیں۔الیکشن کمیشن نے تحریری حکمنامہ بھی جاری کردیا ہے۔

خیبرپختونخوا میں مقررہ وقت صبح 9 بجے سینیٹ انتخابات کے لیے پولنگ شروع نہ ہوسکی جب کہ سینیٹ انتخابات کے لیے انتظامات مکمل تھے اور الیکشن عملہ بھی موجود تھا۔خیبرپختونخوا اسبملی میں اپوزیشن اراکین نے سینیٹ انتخابات ملتوی کرنے کے لیے درخواست جمع کروائی تھی۔

اپوزیشن کے احمد کریم کنڈی نےصوبائی الیکشن کمشنر کو درخواست دی جس میں مؤقف اپنایا گیا تھاکہ ان کے 25 ارکان سے ابھی تک حلف نہیں لیا گیا۔صوبائی الیکشن کمشنر نے اپوزیشن کی درخواست پر چیف الیکشن کمشنر سے رابطہ کیا جس کے بعد خیبر پختونخوا میں سینیٹ انتخابات تاحکم ثانی ملتوی کردیے گئے۔

 الیکشن کمیشن کی طرف سےتحریری حکم نامہ جاری کردیا گیا،الیکشن کمیشن کے تحریری حکم کے مطابق خیبر پختونخوا اسمبلی کے نو منتخب ارکان سے حلف نہ لینے پر سینٹ انتخابات ملتوی کیے گئے،الیکشن کمیشن نے الیکشن ایکٹ کے تحت اختیارات استعمال کرتے ہوئے انتخابات ملتوی کیے، نو منتخب ارکان کے پی اسمبلی کے حلف تک انتخابات روک دئیے گئے۔

یاد رہے کہ خیبرپختونخوا میں اپوزیشن اراکین نے الیکشن کمیشن کو خط لکھا جس میں استدعا کی گئی مخصوص نشستوں پر ان کے 25 اراکین سے حلف لیا جائے، حلف نہ لیاجائے تو الیکشن ملتوی کیا جائے۔

اپوزیشن کے ان 25 اراکین سے حلف لیا گیا اور اس کے بعد انتخابات ہوئے تو اپوزیشن کو سینیٹ کی 11 میں سے 4 نشستیں ملیں گی، اگر حلف نہ لیا گیا تو 11 میں سے 10 نشستیں حکومت کو ملنے کا امکان ہے۔

واضح رہے کہ وزیر اعلیٰ خیبر پختونخوا علی امین گنڈا پور نے بھرپور مقابلہ کرنے کا اعلان کرتے ہوئے کہا ہے کہ بانی پی ٹی آئی نے ہمیشہ لڑنا سکھایا،اپنی نشست کسی اور کو نہیں دیں گے ۔

دوسری جانب اپوزیشن لیڈر ڈاکٹر عباد اللہ نے میڈیا سے گفتگو کرتے ہوئے کہا ہے کہ کے پی اسمبلی کی تاریخ میں پہلی بار ہال غیر قانونی طور ر الیکش کمیشن کے حوالے کیا گیا،اسپیکر اپنا رول ادا کرنے کہ بجائے غاٰئب ہے،پورے ملک میں الکشن ہورہے مگر کے پی حکومت کی ہٹ دھرمی کی وجہ سے الیکشن نہیں ہورہے۔سی ایم اور اسپیکر آئینی ذمہ داری کے بجائے عمران خان کے ٹائیگرز بنے ہوئے ہیں،یہ لوگ کوئی قانون نہیں مانتے جو بدقسمتی ہے صوبے کی۔

(حسن علی)مسلم لیگ ن کے سینیٹ کیلئے امیدوار ،وزیر پٹرولیم مصدق ملک  پنجاب اسمبلی پہنچ گئے۔کہتے ہیں کہ عوام کو مبارک دیتا ہوں کہ آج الیکشن کے بعد دونوں ہائوس مکمل ہو جائیں گے،قانون سازی کا عمل شروع ہو جائے گا،ملک مشکل وقت سے گزر رہا ہے، عوام کے لئے آئین سازی کرنا ضروری ہے،یہ جمہوریت کی معراج ہے۔
میڈیا سے گفتگو میں ان کا کہنا تھا کہ حکومت پر فرض ہے کہ قانون سازی کرے اور اپوزیشن پر فرض ہے کہ بھرپور انداز میں مخالفت کرے اور خامیوں کی نشاندہی کرے،ہمارے ووٹ زیادہ ہیں، اتحادیوں کے شکرگزار ہیں،پی پی کے ساتھ اچھے طریقے سے اتحاد آگے بڑھ رہا ہے،پی پی نے ابھی تک غیر مشروط سپورٹ کی اور اب بھی کر رہے ہیں،پی پی کے ساتھ کوئی وعدہ یا لین دین نہیں ہوا۔
ان کا کہنا تھا کہ ہمیں 3 مختلف ہدف ملے،عوام کی قوت خرید بڑا ہدف ہے۔ تیل کی قیمت میں کمی و بیشی ہورہی ہے۔روس،یوکرین کی لڑائی اور اسرائیل کی بربریت سے عالمی منڈی میں غیر یقینی صورتحال ہے،کویت اور دیگر ممالک سے سستا تیل بہت کم مقدار میں ملتا ہے،ڈالر کے مقابلے میں روپے کی قدرمیں قیمت اور عالمی منڈی میں مہنگا ہونے کی وجہ سے پٹرول کی قیمت بڑھی۔

ضرورپڑھیں:سینیٹ الیکشن،تین صوبوں،قومی اسمبلی میں پولنگ جاری،خیبرپختونخوا میں انتخاب ملتوی
ان کا کہنا تھا کہ وزیراعظم نے توانائی کی سستی توانائی کی دستیابی کو یقینی بنانے کی ہدایت کی ہے،18 سے 20 ارب ڈالر کی توانائی امپورٹ کرتے ہیں،پاکستان بہت کم کاربن خارج کر رہے ہیں اور ماحول کو نقصان نہیں پہنچا رہا،ملک میں سیاسی استحکام بہت ضروری ہے۔ کیونکہ اسی سے معاشی استحکام آئے گا،شہباز شریف نے ہاتھ آگے بڑھایا تھا لیکن سابق حکومت نے جھٹک دیا،نوازشریف نے بھی مفاہمت کی بات کی،الیکشن کے بعد ہم نے دوبارہ پی ٹی آئی کو دوبارہ دعوت دی کہ وہ آئیں اور حکومت بنائیں۔
ان کا کہنا تھا کہ پی ٹی آئی اگر اکثریت میں تھی تو آگے بڑھتی تو عوام کے ساتھ کئے وعدے پورے کرتی،پی ٹی آئی نے کوئی تعمیری و مثبت سیاست نہیں کی، پی ٹی آئی کے گھیرائو جلائو کی بات کی،ہماری طرف سے اگر جھول ہے تو اسے بہتر کرنا چاہیئے،ہم ہاتھ آگے بڑھا رہے ہیں لیکن پی ٹی آئی کو اپنا کردار ادا کرنا چاہیئے،کسی آدمی کے گھر میں 8 سے 9 گھنٹے گیس چل رہی ہے تو اس پر اضافی بوجھ نہیں ہونا چاہیئے،اوگرا سے درخواست کی ہے اور بین الاقوامی کمپنی سے کہا ہے کہ وہ دونوں کمپنیوں کا آڈٹ کرے۔

ایک سوال کے جواب میں ان کا کہنا تھا کہ غیر ذمہ داری سے گیس کمپنیاں آگے بڑھ رہی ہیں،اگر کہیں غیر ذمہ داری نظر آئی تو آہنی ہاتھوں سے نمٹیں گے،ایس این جی پی ایل کے حکام سے6 گھنٹے کی ملاقات ہو چکی اور ایس ایس جی ایل سے آج شام تک ملاقات ہو گی،دیکھیں گے کہ دونوں کمپنیاں کس طرح گیس کی اضافی قیمت مانگ رہے ہیں،اوگرا سے 2 گھنٹے ملاقات کی، اس سے بہتری آئے گی،آئی ایم ایف کے حوالے سے پٹرول کی قیمتوں پر کوئی اثر نہیں ہوا،ایرانی یا کہیں سے اسمگل تیل آ رہا ہے تو فائدہ اسمگلر کو ہوتا ہے۔وزیراعظم نے اسمگلنگ کو کنٹرول کرنے کے لئے احکامات دئیے ہیں،ہمارے بارڈر کو عالمی بارڈر کے مطابق ہونا چاہئے۔

سینیٹ کی تمام نشستیں ہم جیتں گے:ملک محمد احمد خان

اسپیکر پنجاب اسمبلی ملک محمد احمد خان نے گفتگو کرتے ہوئے کہا ہے کہ میری ججز خط پر اپنی رائے ہے، اس کے بنیادی ڈھانچے پر بات کرتا ہوں،اگر خط لکھا گیا تو ان بنیادی ڈھانچے کے مطابق تعیناتی کیسے ہوتی ہے،اگر بنیادی ڈھانچے نے اس کی تعیناتی واضح کر دی سب سامنے آئے گا،سینیٹ کی تمام نشستیں ہم جیتں گے،پیپلز پارٹی اور ن لیگ کا اتحاد ہے اس کے مطابق وہ ہمیں سپورٹ کر رہی ہے۔

(حسن علی )پنجاب میں سینیٹ کی 5 نشستوں پر انتخابات ہورہے ہیں ۔پنجاب اسمبلی کو آج پولنگ سٹیشن کا درجہ دے دیا گیا،پنجاب اسمبلی آج الیکشن کمیشن کے اختیار میں ہوگی،پنجاب اسمبلی میں خواتین کی 2، ٹیکنو کریٹ کی 2،اقلیت کی ایک نشست پرانتخاب ہورہا ہے۔

پنجاب میں مسلم لیگ ن سینیٹ کی مزید 5نشستیں حاصل کرنے کیلئے پرامید ہے۔مسلم لیگ ن اور اتحادی پہلے ہی سینیٹ کی 5جنرل نشستیں جیت چکے،پنجاب اسمبلی کے ایوان میں مسلم لیگ ن کے ارکان کی تعداد 218ہے۔مسلم لیگ ن کی اتحادی ،مسلم لیگ ق کی 10، پیپلزپارٹی کی 14 نشستیں ہیں،پنجاب اسمبلی میں ضیاء لیگ کی 1 سیٹ ، آئی پی پی کی 3 نشستیں ہیں،پنجاب میں حکومتی اتحاد کو مجموعی طورپر 246 ارکان کی حمایت حاصل ہے۔

ضرورپڑھیں:سینیٹ کی 30 کیلئے پولنگ جاری،خیبرپختونخوا میں غیریقینی کی صورتحال برقرار
پیپلزپارٹی خواتین، ٹیکنوکریٹ ،اقلیتی نشست پرن لیگ کو سپورٹ کرے گی،پیپلزپارٹی پہلے ہی خواتین کی نشست پر فائزہ ملک کو ریٹائر کرنے کا اعلان کر چکی،پنجاب اسمبلی میں سنیُ اتحاد کونسل کے ارکان کی تعداد 107 ہے،تحریک لبیک کا ایک ووٹ کس کو ملے گا تاحال فیصلہ سامنے نہیں آسکا،مسلم لیگ ن نےخواتین کی نشست پر انوشہ رحمان ،بشریٰ انجم بٹ کو نامزد کیا،سنی اتحاد کونسل نے خواتین کی مخصوص نشست پر صنم جاوید کو نامزد کیا،ٹیکنو کریٹ پر مسلم لیگ ن نے محمد اورنگزیب اور مصدق ملک کو نامزد کیا،سنی اتحاد کونسل نے ٹیکنوکریٹ کی نشست پرڈاکٹر یاسمین راشد کو نامزد کیا،اقلیتی نشست پر خلیل طاہر سندھو مسلم لیگ کے امیدوار ہیں،سنی اتحاد کونسل نے اقلیتی نشست پر آصف عاشق کو نامزد کیا۔
پنجاب میں پرویز رشید ، طلال چوہدری ، محسن نقوی، ناصر بٹ ، احد چیمہ،سنی اتحاد کونسل کے حامد خان ایڈووکیٹ ،راجہ ناصر عباس بلا مقابلہ منتخب ہوچکے ہیں۔

(عثمان خان،روزینہ علی،عاجز جمالی،حسن علی،عامرشہزاد)سینیٹ کی 30 نشستوں پر الیکشن کے لیے پولنگ کا عمل  ختم ہوگیا ۔تمام ایوانوں کے دروازے بند کردئیے گئے۔ووٹوں کی گنتی جاری ہے۔اسحاق ڈار 224 ووٹ لیکر کامیاب،اسحاق ڈار کے مدمقابل راجہ انصر کو 81 ووٹ ملے،ٹیکنوکریٹ کی نشست پر 5 ووٹ مسترد ہوئے۔حکمران اتحاد کے رانا محمود الحسن 224 ووٹ لے کر جنرل نشست پر کامیاب ہوگئے۔

پنجاب اسمبلی میں 355 ووٹ کاسٹ ہوئے،وزیراعلیٰ پنجاب مریم نوازنےووٹ کاسٹ کیا،سپیکرپنجاب اسمبلی ملک احمدخان نےووٹ کاسٹ کیا،اپوزیشن لیڈراحمدخان بچھڑ،صوبائی وزرا،ارکان اسمبلی نے بھی ووٹ کاسٹ کیا۔

سینیٹ الیکشن کی پولنگ کے لیے قومی اسمبلی کا ہال پولنگ اسٹیشن میں تبدیل کردیا گیا ہے جہاں الیکشن کمیشن کا عملہ فرائض انجام دے رہا ہے۔ قائد مسلم لیگ ن نواز شریف پارلیمنٹ ہاؤس پہنچ گئے،وزیراعظم شہباز شریف نے قائد نواز شریف کا گیٹ پر خود آکر استقبال کیا، اسحاق ڈار اور اعظم نذیر تارڑ اور انوشہ رحمان نے نواز شریف کا استقبال کیا،سابق وزیر اعظم نواز شریف ،وزیراعظم شہباز شریف سمیت متعدد اراکین نے ووٹ کاسٹ کردئیے۔

سینیٹ الیکشن میں 18 امیدوار بلامقابلہ منتخب ہو چکے اور آج  59 امیدوار مدمقابل ہیں۔سینیٹ کی 29 جنرل، 8 خواتین ، 9 ٹیکنو کریٹ یاعلماء اور 2 غیر مسلم کی نشستوں پر انتخاب ہو گا۔

وفاقی دارالحکومت کی ایک جنرل ، ایک ٹیکنو کریٹ نشست پر، پنجاب کی 2 خواتین ، 2 ٹیکنو کریٹ یا علماء ، ایک غیر مسلم نشست پر انتخاب ہو گا،اسی طرح سندھ کی 7 جنرل، 2 خواتین ،2 ٹیکنو کریٹ یاعلماء ، ایک غیر مسلم نشست پر انتخاب ہو گا۔

پنجاب کی 7 جنرل نشستوں جبکہ بلوچستان کی تمام 7 جنرل نشستوں، 2 خواتین اور 2 ٹیکنوکریٹ یا علماء کی نشستوں پر امیدوار بلا مقابلہ کامیاب ہوچکے ہیں۔

کے پی میں صورتحال بدستور غیر واضح
خیبر پختو نخوا کی 7 جنرل، 2 خواتین اور 2 ٹیکنو کریٹ کی نشست پر انتخاب ہونا ہے جو مخصوص نشست والے اراکین کا حلف نہ لیے جانے کی وجہ سے تنازع کا شکار ہے،خیبرپختونخوا میں یہ بات واضح نہیں کہ سینیٹ الیکشن ہورہے ہیں یا نہیں، اپوزیشن اراکین نے الیکشن کمیشن کو خط لکھا ہے جس میں استدعا کی گئی ہےکہ مخصوص نشستوں پر ان کے 25 اراکین سے حلف لیا جائے، حلف نہ لیاجائے تو الیکشن ملتوی کیا جائے۔

اپوزیشن کے اگر ان 25 اراکین سے حلف لیا گیا اور اس کے بعد انتخابات ہوئے تو اپوزیشن کو سینیٹ کی 11 میں سے 4 نشستیں ملیں گے، اگر حلف نہ لیا گیا تو 11 میں سے 10 نشستیں حکومت کو ملنے کا امکان ہے۔

ترجمان الیکشن کمیشن کا کہنا ہے کہ خیبرپختونخوا میں سینیٹ انتخابات کیلئے تیاریاں مکمل ہیں اور انتخابی مواد پولنگ اسٹیشن پہنچا دیا گیا ہے، صوبائی الیکشن کمشنر شمشاد خان پریزائیڈنگ افسر کے فرائض انجام دینگے، پولنگ صبح 9 سے شام 4 بجے تک جاری رہے گی۔

علاوہ ازیں خیبرپختونخوا اسبملی میں اپوزیشن کے احمد کریم کنڈی نےصوبائی الیکشن کمشنر کو درخواست دے دی جس میں الیکشن ملتوی کرنے کی درخواست کی گئی ہے،درخواست میں کہا گیا ہے کہ ہمارے 25 ارکان سے ابھی تک حلف نہیں لیا گیا اس لیے سینیٹ الیکشن ملتوی کیا جائے۔ذرائع کے مطابق صوبائی الیکشن کمشنر نے اپوزیشن کی درخواست پرچیف الیکشن کمشنرسے رابطہ کرلیا ہے۔

سندھ میں 12 نشستوں پر مقابلہ 

سینیٹ الیکشن کیلئے سندھ سے 12 نشستوں پر مقابلہ ۃہورہا ہے۔ سندھ اسمبلی میں صبح 9 بجے شروع ہونے والی پولنگ شام 4 بجے تک بلا تعطل جاری رہے گی۔پیپلزپارٹی، ایم کیو ایم اور آزاد امیدواروں سمیت کل 19 امیدوار مدمقابل ہیں، سینیٹ انتخابات کیلئے سندھ کی 7 جنرل نشستوں پر 11 امیدوار مد مقابل ہیں، ٹیکنوکریٹ و علما کی 2 نشستوں پر 4 امیدوار میدان میں ہیں، خواتین کی 2 نشستوں پر 3 امیدوار ،غیر مسلم کی ایک نشست کیلئے 2 امیدوار مد مقابل ہیں۔

 وزیر اعلیٰ سندھ مراد علی شاہ نے کہا ہے کہ جو مقابلہ کرنےبیٹھے وہ بائیکاٹ کرگئے، 12 نشستیں جیت جائیں گے۔

ممبران قومی اسمبلی کیلئے ہدایت نامہ
سینیٹ الیکشن کے لیے ممبران قومی اسمبلی کیلئے الیکشن کمیشن نے ہدایت نامہ جاری کردیا گیا ہے۔ ہدایت نامے میں کہا گیا ہے کہ بال پوائنٹ کے ذریعے بیلٹ پیپرز پر ترجیحات درج کرنا ہوں گی، ترجیحی امیدوار کے نام کے سامنے 1 لکھنا ہوگا، دوسرے امیدوارکے سامنے 2 لکھنا ہوگا، ترجیح صرف انگریزی یا اردو میں درج کرنا ہوگی، اردو اورانگریزی کو ملاکرلکھنے سے ووٹ مسترد ہوگا۔

ہدایت نامے میں مزید کہا گیا ہےکہ ہندسہ 1 ایک سے زائد ناموں کے سامنے درج ہونے سے ووٹ مسترد ہوگا، کسی امیدوارکے نام کے سامنے ہندسہ 1 کےساتھ کوئی دوسراہندسہ درج نہ ہو۔

سینیٹ انتخابات میں ووٹوں کا تعین کس طرح ہوگا؟
ایوان بالا سینیٹ الیکشن خفیہ بیلٹ پیپرزکےذریعے ترجیحی بنیادوں پرہوگا، انتخابات میں کسی امیدوار کا کوئی انتخابی نشان نہیں ہوگا، بیلٹ پیپر پر امیدواروں کے نام حروف تہجی کے تحت درج ہوں گے، ہر ووٹر اپنی پہلی، دوسری اور تیسری ترجیح کے تحت بیلٹ پیپر پر موجود خانے میں عددی نمبر لگا کر اپنا ووٹ کاسٹ کرےگا۔

کامیاب امیدواروں کے بچ جانے والے ووٹ دوسرے ترجیحی امیدواروں کو منتقل کردیےجائیں گے۔ووٹ گننے کے عمل میں سب سے پہلے بیلٹ پیپرز کی اسکروٹنی کی جائےگی، درست ووٹوں کے بیلٹ پیپرز کو علیحدہ کر کے مسترد ووٹوں کو نکال دیاجائےگا۔

تمام صوبائی اسمبلیوں میں ایک درست بیلٹ پیپر کی ویلیو 96، یعنی ایوان بالا کے کُل ممبران کی تعداد ہے لیکن وفاقی دارالحکومت اسلام آباد کی ایک جنرل اور ایک ٹیکنوکریٹ نشست اور پنجاب اور سندھ کی ایک ایک غیر مسلم نشست کی ویلیو بھی ایک ہے۔

(روزینہ علی)سینیٹ کی 6 خالی ہونے والی نشستوں پر ضمنی انتخاب کیلئے پولنگ کا عمل ختم  ہو گیا۔

اسلام آباد، بلوچستان اور سندھ سے سینیٹ کی نشستوں کے لیے ضمنی انتخاب پر پولنگ کا آغاز صبح 9 بجے  شروع ہوا جو شام 4 بجے تک جاری رہا،اسلام آباد کی ایک، سندھ کی دو اور بلوچستان کی تین خالی نشستوں پر انتخابات ہوئے، ووٹنگ کا عمل قومی اسمبلی، سندھ اور بلوچستان اسمبلیوں میں ہوا۔6 نشستوں پر نئے سینیٹ اراکین کے انتخاب کیلئے تینوں ایوان کے ممبران نے اپنا حق رائے دہی استعمال  کیا۔

ضرورپڑھیں:اڈیالہ جیل میں ملاقاتوں پر پابند ی ، پی ٹی آئی رہنماؤں،وکلاء کا کیا ردعمل ہے؟

اسلام آباد کی نشست پر سنی اتحاد کونسل کے امیدوار چوہدری الیاس مہربان اور پیپلزپارٹی کے یوسف رضا گیلانی کے درمیان مقابلہ ہے۔سندھ سے سینیٹ کے ضمنی الیکشن میں پیپلزپارٹی کے جام سیف اللہ خان اور محمد اسلم ابڑو جبکہ سنی اتحاد کونسل کے نذیراللہ اور شازیہ سہیل امیدوار ہیں۔

بلوچستان سے سینیٹ کی تین نشستوں پر ضمنی انتخابات کیلئے 9 امیدواروں کے درمیان مقابلہ ہے۔

سینیٹ کی 6 نشستیں یوسف رضا گیلانی، مولانا عبدالغفورحیدری، نثارکھوڑو، جام مہتاب، پرنس احمد عمر اور سرفرازبگٹی کے مستعفی ہونے کے بعد خالی ہوئی تھیں۔

 ایم کیو ایم اور جماعت اسلامی کے ارکان نے سینیٹ الیکشن میں ووٹ کاسٹ نہ کرنے کا فیصلہ کیا ہے۔ سندھ اسمبلی میں سینیٹ کی دو نشستوں پر ضمنی انتخاب کے دوران 124 ووٹ مکمل ہوگئے ہیں۔ سنی اتحاد کونسل کے 9 ارکان میں سے 8,ارکان نے ووٹ کاسٹ کیئے ہیں جبکہ ووٹوں کی گنتی چار بجے کے بعد شروع ہوگی۔