انتقال اقتدار کا عمل مکمل۔۔نومنتخب وزیراعظم  شہباز شریف نے حلف اٹھا لیا

 (24نیوز)متحدہ اپوزیشن کے متفقہ امیدوار اور اسلم لیگ ن کے صدر شہباز شریف نے عہدے کا حلف اٹھا لیا۔صدر مملکت ڈاکٹر عارف علوی کی علالت کی وجہ سے قائم مقام صدر اور چیئر مین سینٹ صادق سنجرانی نے ان سے حلف لیا۔حلف برداری کی پر وقار تقریب ایوان صدر میں ہوئی۔تقریب میںاعلیٰ عسکری قیادت اور سول حکام نے شرکت کی۔

یاد رہے پاکستان کی تاریخ میں پہلی مرتبہ تحریک عدم اعتماد کی کامیابی کے بعد مسلم لیگ ن کے صدر شہباز شریف 23ویں وزبر اعظم منتخب ہوئے تھے۔شہباز شریف کو 174ارکان نے ووٹ دیا جبکہ تحریک انصاف کے امید وار شاہ محمود قریشی کو کوئی ووٹ نہیں ملا۔

#وزیراعظم_شہباز_شریف pic.twitter.com/wnM0ezhFcM

— PML(N) (@pmln_org) April 11, 2022

 پاکستان میں اب تک3تحاریک عدم اعتماد پیش ہوئیں جن میں سے2ناکام ہوئیں اور آخری یعنی تیسری عدم اعتماد وزیراعظم عمران خان کے خلاف پیش ہوئی تھی جو کامیاب ہوئی جس کے بعد شہباز شریف وزیر اعظم منتخب ہوئے۔اس سے قبل بینظیر بھٹو اور شوکت عزیر کے خلاف تحریک عدم اعتماد ناکام ہو گئی تھیں۔ تحریک انصاف نے وزیر اعظم کے انتخاب کا بائیکاٹ کیا اور انتخاب کے عمل میں شرکت نہیں کی۔

یہ بھی پڑھیں۔قومی اسمبلی و صوبائی اسمبلیوں کیلئے حلقہ بندیوں کے شیڈول کا اعلان