کراچی میں ضمنی بلدیاتی الیکشن کیلئے انتخابی مہم کا وقت ختم

(24 نیوز ) کراچی میں ضمنی بلدیاتی انتخابات کے معرکے کیلئے سیاسی جماعتوں کو دیا گیا انتخابی مہم کا وقت ختم ہو گیا ہے۔

تفصیلات کےمطابق کراچی کی 11 یوسیز اور 15 وارڈ زکی نشستوں پر پولنگ اتوار کو ہوگی ، جس میں مجموعی طور پر 234 امیدوار مدمقابل ہیں، 11یوسیز پر چیئرمین اور وائس چیئرمین کے لئے 119 امیدواروں کے درمیان مقابلہ ہوگا، وارڈز کی 15 نشستوں پر 115 امیدوار اپنی قسمت آزمائیں گے، الیکشن کمیشن کی جانب سے انتخابی عمل کے انتظامات مکمل کر لیے گئے ہیں جبکہ انتخابی سامان کی ترسیل آج ہوگی۔
ضلع کورنگی، وسطی اور غربی کی 3،3 یوسیز میں ضمنی انتخاب ہوگا، ضلع کیماڑی اور جنوبی کی ایک ایک یوسیز میں ضمنی انتخاب ہوگا، ضلع کیماڑی اور شرقی کے 6،6 وارڈز میں ضمنی انتخاب ہوگا، ضلع کورنگی کے 2 اور ضلع ملیر کے ایک وارڈ میں پولنگ ہوگی۔