کپڑے فروخت کرکے ریلیف دینے والوں نے عوام کے ہی کپڑے اتار دیئے، پرویز الٰہی

(24 نیوز)مسلم لیگ ق کے مرکزی رہنمااورسپیکر پنجاب اسمبلی چودھری پرویز الٰہی نے کہاہے کہ 6 دن پہلے پٹرول بم گرانے سے امپورٹڈ حکومت کی تسلی نہیں ہوئی،آج پھر مہنگائی کا دوسرا بم عوام پر گرادیا ہے۔
چودھری پرویز الٰہی کا پٹرولیم مصنوعات کی قیمتوںمیں اضافے پر ردعمل دیتے ہوئے کہناتھا کہ آئی ایم ایف کے دباﺅ پرمہنگائی کرکے لوگوں کو برباد کیا جارہا ہے،معاشی مسائل آئی ایم ایف کے پاس جانے سے کم نہیں ہوں گے،معاشی مسائل تجارت بڑھانے سے کم ہونگے ۔
سپیکر پنجاب اسمبلی نے کہاکہ کپڑے فروخت کرکے ریلیف دینے والوں نے عوام کے ہی کپڑے اتار دیئے۔ق لیگ کے مرکزی رہنما نے کہاکہ پٹرولیم مصنوعات سمیت اشیائے ضروریہ کی قیمتوں میں اضافہ مسترد کرتے ہیں ، پہلے ہی کہا تھا یہ نااہل لوگ ہیں جو صرف تباہی مچانے آئے ہیں ۔

یہ بھی پڑھیں: وزیراعظم شہباز شریف نے احد چیمہ کا استعفی منظور کرلیا